Restoryanismo

Sa Estados Unidos, an Restoryanismo[1], paminsan pinag-apod na Kristiyanong Primitibismo, na minapanungod sa pagtobod nin kadakulon na mga relihiyosong kahiroan na an pinakapuro o orihinal na Kristiyanidad dapat na ipagbalik-liwat, habang pirmeng minaako na iyo an pinakaburabod kaining restorasyon. An arog kaining mga grupo nagtutukdo na ini kinakaipuhan nin huli ta an Katoliko[2], Ortodoks[3] asin Protestante[4] na mga Kristiyano mina-introdusir nin mga depekto sa Kristiyanong pagtubod asin kaugalian, o nawaraan nin sarong tugmad na elemento kan tunay na Kristiyanidad.

An restoryanismo espisipikong minapanungod sa restorasyong kahiroan[5] asin sa bilang nin iba pang mga kahiroan that naggikan sa parteng sirangan kan Estados Unidos asin Canada asin nagdakol nin hidali sa amay asin tahaw kan ika-19 siglo sa pagmuklat kan Ikaduwang Dakulaon na Kagimatahan[6]. An terminong restorasyon[7] iyo man pinag-empleyo kan Mga Banal sa Huring Aldaw na kahiroan[8].

An termino man iyo an pinaggagamit kan mas nabisto pa sanang mga grupo, na pinaglaladawan an saindang mga katuyuhan na mag-establisa giraray kan Kristiyanidad sa orihinal na porma kaini, arog baga kan iba na ante-denominasyonal na Karismatikong Restoryanista[9] na minabukad kan 1970s sa United Kingdom asin sa iba pang rona. Sa komparableng mga termino, an may amay na primitibistang mga kahiroan minabale sa mga Paulisiyano[10], Mga Husyitas[11], Anabaptistas[12], Landmarkistas[13], asin an mga Kwakeristas[14] na pinagladawan bilang mga ehemplo kan restoryanismo.