Ergolding
| Der Artikl is im Dialekt Obaboarisch (Cheamgau) gschriem worn. |
| Woppn | Deitschlandkoatn |
|---|---|
|
 Huif zu Koatn |
| Basisdotn | |
| Bundesland: | Bayern |
| Regiarungsbeziak: | Niedabayern |
| Landkroas: | Landsad |
| Hechn: | 392 m ü. NHN |
| Flächn: | 37,17 km2 |
| Eihwohna: | 12.571 (31. Dez. 2018) |
| Bevökarungsdichtn: | 338 Einwohner je km2 |
| Postleitzoi: | 84030 |
| Voawoi: | 0871 |
| Autokennzeichn: | LA, MAI, MAL, ROL, VIB |
| Gmoaschlissl: | 09 2 74 126 |
| Moaktgliedarung: | 22 Ortstei |
| Address vo da Moaktvawoitung: |
Lindenstraße 25 84030 Ergolding |
| Webseitn: | |
| Buagamoasta: | Andreas Strauß (Freie Wähler) |
| Log vom Moakt Ergolding im Landsad | |
 | |
Ergolding oda aa: Erwading is a Moakt im niedaboarischn Landkroas Landsad.
Geografie
[Werkeln | Am Gwëntext werkeln]Ergolding grenzd direkd neadli on's Stodgebiet vo Landsad o, mid dem's middlawei scho fosd zammgwoxn is. De Gmoa liegd vakeahsginstig on da A 92 vo Degndorf (75 km) noch Minga (70 km) und aa on da B 11 und da B 15 vo Rengschbuag (65 km) noch Rousnam (90 km).
Gmoagliedarung
[Werkeln | Am Gwëntext werkeln]As Gmoagebiet vo Ergolding umfossd foingde 22 Ortstei, Weiler und Eihödn: Ergolding, Ergolding-West, Piflas, Albing, Almenhof, Am Kloastahoiz, Brenneisn, Glöcklbeag, Grandsbeag, Hader, Hart, Käufelkofn, Kopfham, Kreuth, Kottingrohr, Obaglaim, Obawaltnkofn, Pforrkofn, Reitbeag, Spitzlbeag, Stehbeag, Untaglaim, Untawaltnkofn, Weihern.
Nochboagmoana
[Werkeln | Am Gwëntext werkeln]Gschicht
[Werkeln | Am Gwëntext werkeln]As Gebiet um Ergolding woa scho seit da Jungstoazeid (uma 2000 v. Kr.) bsiedld, wia Ausgrobunga in da Nochboagmoa Oiddoaf beleng. Za da Zeid vo de Rema treffn se de zwoa wichting Handlswegstroßn, on dene in kuaze Obstend Wochstaziona und Rosthaisa woan, aus dene se spada de heiting Siedlunga entwickld hom. De oane Stroß is om linkn Isarufa van heiting Augschbuag ins heitige Bossa glaffa. De zwoate, a so ghoassne Soizstroß is vo Castra Regina (om heiting Rengschbuag) noch Sidn gonga. De Isar is do dobei woahscheinli ban heiting Oidheim bei Landsadaidheim iwaqueat worn. 1978 is neadli vo Ergolding a remischa Friedhof entdeckd worn. Um de easchte Hejft van 6. Joarhundad san vui Siedlunga im heitingn Bayern vo Noch Land suachade germanische Stemm grindd worn. De Ortsnama san vuifoch aus'm Nam van Grinda duach Ohenga vo da Süüm -ing buidd worn. So gehd da Legend noch da Nam Ergolding af on Thomas vo Ergolda zruck. Ob 788 is Ergolding Kenigsguad, nochdem Karl da Große an letztn Agilolfinga Herzog Tassilo III. weng Unghoasom obgsezd ghod hod. De Siedlung wead zan easchtn Moi 822 und 824 direkt in Uakundn eawehnd, de za de ejdasdn in da bayerischn Gschicht ghean. Dene Dokumente z'foige findn do duat Grichts- oda Landdoge stott.
1007 gehd Ergolding in on Bsiez van Bambeaga Hochstift iwa. Ob'm 13. Joahundad iss's wieda im Bsiez vo de boarischn Herzeg und bsiezd on Landgrichtshof (bis ins 17. Joarhundad. Im 15. Joarhundad bstähd Ergolding aus uma 100 Owesn. 1504 wead's im Landsada Eabfoigekriad genzli niedabrennd. Duach de enge Nochboaschoft zan 1204 van Ludwig am Kelheima grinddn Landsad entwickld se as Doaf ned zan Moakt, sondan bleibt bis zan Zwoatn Wejdkriag landwiatschofli ausgrichdd. 1808 wead Ergolding mit Piflas und Albing za oana Goma zammgschlossn. Noch'm Zwoatn Wejdkriag siedln se voa oim vui Hoamatvatriemne duat o, woduach's za om großen Ostieg vo da Eihwohnazoih kimmd. Om 17. Juli 1976 wead Ergolding de Moaktrechte valiehn. 1978 wead Obaglaim mid semtliche Ortstei eihgliedad.
Städtpartnaschoftn
[Werkeln | Am Gwëntext werkeln]Seit 29. Septemba 1989: Mattarello in Italien (om Stodtei vo Trient. Es findd seitdem a rega Austausch und Kontakt stott.
Buam und Dechta vo da Gmoa
[Werkeln | Am Gwëntext werkeln]Im Netz
[Werkeln | Am Gwëntext werkeln]- Ergolding: Woppmgschicht vom Haus der Bayerischen Geschichte
| → Dea Artikl basiad auf ara frein Ibasetzung vom säim Artike in da Wikipedia af deitsch. |