Doana
Der Artikl is im Dialekt Obaboarisch gschriem worn. |
Doana Donau | ||
![]() Danubischs orografischs System | ||
Datn | ||
---|---|---|
Gwassakennzoi | DE: 1 | |
Log | Middl- und Sidosteiropa | |
Flusssystem | Doana | |
Quäin | mid da Bregquej im Schwoazwoid oda am Zamfluss vo Brigach und Breg bei Donaueschingen | |
Quäinhächn | 1078 m oder 680 m | |
Mindung | Schwoazes MeaKoordinaten: 45° 9′ 46″ N, 29° 38′ 50″ O 45° 9′ 46″ N, 29° 38′ 50″ O | |
Mindungshächn | 0 m | |
Hächnuntaschied | 1078 m | |
Läng | 2.857 km[1] (2.811 km ohne Breg) | |
Eizugsgegnd | 817.000 km²[1]
| |
Abfluss | MQ |
6.700 m³/s |
Linke Nebnfliss | (Auswoi) Oidmui, Naab, Reng (Fluss), Ilz, Waag, Theiß, Sereth, Pruth | |
Rechte Nebnfliss | (Auswoi) Iller, Lech, Isar, Inn, Enns, Traun, Raab, Drau, Save, Morava, Iskar | |
Duachflossne Stausään | Eiserns Tor | |
Grousstädt | Ulm, Inglstod, Regensburg, Linz, Wean, Pressburg, Budapest, Novi Sad, Belgrad, Russe, Brăila, Galați | |
Schiffbor | 2655 km, davo 2414 km fia große Frochtschinakln zwischn Kelheim und Sulina |
De Doana[2], aa Donau is noch da Wolga da zwoatlängste Strom in Eiropa. Offiziej fangts bei Donaueschingen in Bodn-Wiattmbeag o, wo's a gfosste Quejn gibt und de Brigach und de Breg zammakema.
De Doana kimmt ba Uim af Bayern und hinta Bossa af Östareich. S naxte Land is de Slowakei, danoch Ungarn, Krowozien und Serbien. In Rumänien is de Doana de Grenz zu Buigarien, Moldawien und zua Ukraine, bevoas im rumänischn und ukrainischn Doanadelta ins Schwoaze Mea mindt.
Eadkunde
WerkelnDe Doana fliasst duach 6 Stootn, Deitschland, Östareich, de Slowakei, Ungarn, Serbien und Rumänien. Fia weidane via Stootn, Krowozien, Buigarien, Moidowien und Ukraine is s a Grenzfluss. Insgsamt san 1071 Kilometa oisdann 37 % vom Valauf vo da Doana Stootsgrenzn.
Land | noch Strom- kilometa |
rechts Ufa | boadseitig | links Ufa | |||||
---|---|---|---|---|---|---|---|---|---|
km | % | Doanakilometa | km | % | km | % | Doanakilometa | ||
Deitschland | 687,00 | 658,6 | 23 | 2888,77–2230,20 | 658,6 | 36 | 687,0 | 24 | 2888,77–2201,77 |
Östareich | 357,50 | 357,5 | 12 | 2230,20–1872,70 | 321,5 | 18 | 321,5 | 11 | 2201,77–1880,26 |
Slowakei | 172,06 | 22,5 | 1 | 1872,70–1850,20 | 22,5 | 1 | 172,1 | 6 | 1880,26–1708,20 |
Ungarn | 417,20 | 417,2 | 14 | 1850,20–1433,00 | 275,2 | 15 | 275,2 | 10 | 1708,20–1433,00 |
Krowozien | 137,50 | 137,5 | 5 | 1433,00–1295,50 | 0,0 | 0 | 0,0 | 0 | |
Serbien | 587,35 | 449,9 | 16 | 1295,50–845,65 | 220,5 | 12 | 358,0 | 12 | 1433,00–1075,00 |
Rumänien | 1075,00 | 374,1 | 13 | 374,10–0,00 | 319,6 | 18 | 1020,5 | 35 | 1075,00–134,14 79,63–0,00 |
Buigarien | 471,55 | 471,6 | 16 | 845,65–374,10 | 0,0 | 0 | 0,0 | 0 | |
Moidowien | 0,57 | 0,0 | 0 | 0,0 | 0 | 0,6 | 0 | 134,14–133,57 | |
Ukraine | 53,94 | 0,0 | 0 | 0,0 | 0 | 53,9 | 2 | 133,57–79,63 |
(Beleg: Donaukommission, Budapest, Jenna 2000 bis Meaz 2004)
Nama
WerkelnS wead ognumma, dass da Nama Doana sein Uasprung in da kejtischn Sproch hod, de wo amoi am Obalauf glebt ham. Belegt san dona-aw fia diafs Wossa und Do-avv fia zwoa Wossa, wos si af de zwoa Quejfliss beziagn kennt. De konstuiate indogermanische Wuazl hoasst *danu ‚Fluss‘ konstruiad.
Bis zan End vo da Antike hod de Doana zwoa Nama ghobt: Ister, lateinisch Hister, griech. ῎Iστρος Istros wor de Bezeichnung fian Untalauf, Doana (Danuvius) hod da Obalauf ghoassn. Domois wor da Zammahang iwahapts ned klor, weis koana exaktn kartographischn Aufzeichnunga gem hod.
De Ur-Doana
WerkelnDa zwoatlengste Fluß vo Eiropa hod scho efta sei Flussbett gwexlt. Jo ned nua des. Vua umma 20 Müllionan Joah is de Ur-Doana nu nochn Atlantik zua ogflossn.
Ois Afrika de Oipn und de heidign Middlgbiag oiweu hecha aughom hod und a da Jura gwoxn is, woa da Doana da Weg in Westn hi vaschpiad und se hod in Ostn zua ofliaßn miassn. De frian Donauquöfliss haum nu vü weida westli augfaungt ois Heid.
- Es san a nu de Aare und de Fliss von da owan Rhone, owa a da Owarhein da Doana zuagflossn.
- Owa dafia woa ia Flußschtreckn scho kuaz noch Wean z`End. Den bis duathi hod se nu des Parathetis-Mea ausdehnt.
- Des in insara Gegand, vua umma 11,5 Müllionan Joah zan brackischn Pannon-See gschrumpft is.
Eascht ois se Middleiropa weida ghom hod und da eupäische Wuamfuatsotz weida unt a mid Asien vaschmoizn is, is midm Doanantalauf weidagaunga, bis schpoda, hi zan schwoazn Mea.
- De woxandn Oipn haum de oware Doana a zwunga, si a nuadligas Bett zsuacha.
De uawixige Doana
WerkelnBis ins 18. Joahundat woa de Doana a launischa Fluss. Se woa gaunz aundas ois mia se heid kenan.
- Wo se ned vo Gbiag eizwengd woa und se eascht duachefreßn hod miaßn, hod Se se ausbroat. Mid oft mäandande Nebmoam, de se a maunchmoi noch da Schneeschmöz, a neichs Flussbett gsuacht und dabei jede Meng ogschnittane Oidoam hintalossn hod.
- Bis af de Haubtrinn, in dea des Wossa a wengl schnölla grunna is, woan de Nebmoam moaßt ned recht tiaf.
Und Ois is vo foßt unduachdringlige Auwöda umschlossn gwest. Außa es is am Owalauf, wida a launge Koitzeid (Eiszeid) ins Laund zogn.
Nemfliss
WerkelnDa längste Nemfluss vo da Doana is de Theiß. Sechs weidane Nemfliss ham a Läng vo mea wia 500 Kilometa: Pruth, Save, Drau, Olt, Sereth und Inn. Theiß, Save und Drau mindn im sidlichn pannonischn Becken (Serbien und Krowozien), Pruth und Sereth kurz vorm Doanadejta am Iwagang vo da Grossn Walachei za de moldawischn Lända. Da Inn is da oanzige grosse Nemfluss neadle vo de Oipn.
Zuaflussseitn R/L |
Nemfluss | Läng in km | Obfluss in m³/s | Omerkung |
---|---|---|---|---|
R | Iller | 147 | 71 | fiat ban Zammafluss zeitweis mea Wossa wia de Doana |
R | Lech | 264 | 114 | |
R | Isar | 295 | 175 | |
R | Inn | 517 | 730 | ban Zammafluss broada und zeitweis wossareicha wia de Doana |
R | Traun | 153 | 135 | |
R | Enns | 254 | 195 | |
R | Leitha | 180 | ||
R | Rába | 250 | ||
R | Kapos | 112,7 | 4,4 | |
R | Drau | 749 | 670 | |
R | Save | 945 | 1513 | wossareichsta Zuafluss vo da Doana |
R | Morava | 185 | 255 | |
R | Timok | 203 | 24 | |
R | Iskar | 368 | ||
R | Jantra | 285 | ||
L | Altmühl | 220 | ||
L | Naab | 165 | ||
L | Reng | 169 | ||
L | Kamp | 153 | ||
L | March | 358 | 109 | |
L | Váh | 403 | ||
L | Hron | 298 | ||
L | Ipel | 233 | ||
L | Theiß | 1308 | 813 | längsta Nemfluss vo da Doana |
L | Temesch | 340 | 47 | |
L | Jiu | 331 | 94 | |
L | Olt | 737 | 190 | |
L | Vedea | 224 | ||
L | Argeș | 327 | 73 | |
L | Ialomița | 417 | ||
L | Sereth | 596 | 230 | |
L | Pruth | 953 | 110 |
Bsiedlung
WerkelnIm Eizugsgebiet vo da Doana lieng sechs Millionenstädt: Wean, Budapest, Belgrad, Minga, Sofia und Bukarest.
An de Doana grenzn de Gemarkunga vo zwejf Grossstädt: Uim, Inglstod, Rengschburg, Linz, Wean, Pressburg, Budapest, Novi Sad, Belgrad, Russe, Brăila und Galați. Za de wichtigstn Middlstäddn ghean: Bossa, Krems, Komárno, Mohács, Drobeta Turnu Severin, Widin, Giurgiu, Silistra und Tulcea. Za de wichtigstn Kloastädt zejn Sigmaringen, Nikopol und Sulina.
Nazionalparks und Reservate
WerkelnAm Laff vo da Doana liegn mearare Natuaschutzgebiet: Scho in Bodn-Wiattmbeag da Naturpark Obere Doana, ba Bossa s Naturschutzgebiet Doanaleiten und in da Weana Lobau da Nazionalpark Doana-Auen.
In Ungarn liegt da Nationalpark Doana-Eipel, do, wo de Drau in Krowozien zua Doana kimmt, da Naturpark Kopački rit, in Serbien as Naturreservat Deliblatska peščara und an da Grenz zwischn Serbien und Rumänien da Nazionalpark Đerdap. Oanzigartig is as Biosphärenreservat Doanadejta.
Schau aa
WerkelnLiteratua
Werkeln- Melanie Haselhorst, Kenneth Dittmann: Die Donau. Von Kelheim zum Schwarzen Meer. Delius Klasing Verlag, Edition Maritim, Hamburg 2008, ISBN 978-3-89225-586-4
- Christian Reder, Erich Klein (Hg.): Graue Donau, Schwarzes Meer. Wien Sulina Odessa Jalta Istanbul (Recherchen, Gespräche, Essays), Edition Transfer, Springer Wean–New York 2008, ISBN 978-3-211-75482-5
- Daniela Schily: Donau – von Regensburg zur Schwarzmeerküste. Dumont Reisetaschenbuch, Ostfildern 2006, ISBN 3-7701-7200-0
- Walter H. Edetsberger: Im Bann der Donau. Eine Bootsreise von Münster zum Schwarzen Meer. Mainz 2001, ISBN 3-8311-3049-3
- Manfred Fiala: Die Donau. Eine Abenteuerreise von der Quelle bis zum Schwarzen Meer. Steirische Verlagsgesellschaft, Graz 2004, ISBN 3-900323-79-8
- Dieter Maier: Die Donau. Natur, Kultur, Land und Leute. Edition Dörfler. Nebel-Verlag, Utting 2001, ISBN 3-89555-012-4 (Bildband)
- Michael Weithmann: Die Donau. Ein europäischer Fluss und seine dreitausendjährige Geschichte. Pustet, Regensburg; Styria, Graz u. a. 2000, ISBN 3-7917-1722-7
Beleg
Werkeln- ↑ 1,0 1,1 Bundesministerium für Umwelt, Naturschutz und Reaktorsicherheit: Hydrologischer Atlas von Deutschland, Freiburg i. Br. 2003
- ↑ Ludwig Zehetner: Bairisches Deutsch. Lexikon der deutschen Sprache in Altbayern, Heinrich Hugendubel Verlag/edition vulpes, Kreuzlingen/München/Regensburg, 2005, ISBN 3-9807028-7-1. Seitn 102
Im Netz
Werkeln- Hochwassernachrichtendienst Bayern Daten iba de bayerischen Flüsse wie aktuelle Pegelstände, Meldestufen bei Hochwasser, langjährige Abflussdaten, Einzugsgebiet
- ARGE Deutsche Donau
- Internationale Kommission zan Schutz vo da Donau
- Vui Infos vom WWF zua Donau
- De Donau