Nemoe Karma/Kapakoerenang
[ 50 ]djelma né satata makoeris asat, mapoepoer lamat-lamat, apa boein di kalané ija mapanganggo boengah, mebo miik ngaloebaloeb, toer sada sring katjoendoek di tengah djalané. Jéning ané kéto djoedjoeh tjai, lakar anggon tjai somah, toelén tjai masomah pamali, medem makasoer ban lateng moeah sobia, makacli tjitjingé medem di boengoet paoné, ada koedoe anget, boeloené nganasan liglig. Né djani satondén ngaliwat oeloeng njet tjainé tekén ija, melah tjai moelih bareng bapa djani, bapa soeba mengain tjai djoemah, ané lakar anggon tjai oebad, boeina pasti njidajang nawarin sakit alin tjainé ento.”
Sawireh I Sangga djadma toetoet ring rarama, kénginan tan lih ipoen minehin, djag ngraris ipoen boedal, noetoetin raramampoené Tan kotjap ring margi, tjrita ipoen sampoen reoeh djoemahnja age raramanipoene maprakia, ngianang indik pasakapan I Sanggané ngadjak NI Wiri, prenah mindon ipoen saking loch antoek I Sangga. Gelising tjrita sampoen reké poepoet masakapan, maprabéa sawah asoekat, mawerat adji tigang atoes ringgit. Tingkah I Saggané mapakoeren, tan bina sakadi pamargin soerja miwah woelané, asiki nganginang, sané lianan ngawangang. Wiréh asapoenika, kadadosan sawengi raina ipoen magrengan kéwanten. Kasoewéning-asoewé, mangetang kéwanten parebatipoené, kandoegi matigtig-tigtigan. Dados sami ngelésanin loeh moeani, sami bébas nganggéang manahipoen ndiri-ndiri. Déning asapoenika indik mangkin ngeh ipoen Pan Sangga. boeat ring solah pianak kalih mantoeninpoené iwang, irika waoe ipoen mapiorah sapoeniki.
— , Ih, tjai Sangga, njai Wiri, to kénkén patitis idep tjaipé njai pada, krana kéné singsal enot bapa, tingkah tjai njainé masomah somah? Indajang édéngin bapa lepas benehé. enjé iwang enjén patoetoetan!
Pasaoeripoené I Sangga tjendek sepoeniki.
— ,,Bas sapoenika pengkoengipoené ngaba bikas poenika ngranajang gedeg atin tiangé ngetonin.”
— ,,Nah, to kéto njai Wiri. Dadi njai kadalih pengkoeng ngaba bikas. Dong eda banja kéto!"
— ,,Nénten jakti napi bapa Ipoen dja sané pengkoeng ma[ 51 ]lih bedos, tan dados kasepan njang agigis. Napi malih jen ring noedjoene tiang njambadain ipoen, dereng poepoet raos tiange kaget sampoen nampel tendas tiange. Bas njabran sapoenika, tong sida antoek tiang neteh basang, makita taler tiang ngalawan."
-,,Maan. kenken oepamane panjambadan njaine?"
-,,Oepamine, jening ipoen malali wengi-wengie. ring asapoenapine manah tiange, jakti tiang mapadjar sapoeniki ring ipoen:,,Malali banja keto, dong koemah anake bisa-bisa lakoe, koemah kaki balian, bapk dalang, apang masih mapitoes kiape, boeina pang pakesepin magadang, bocin mani dadi segeran atine ngarap gae!" Pasaoetipoene ngempros: ...Peta dogen njai paling ririha. awake sing dja kober nden ngidih adjah teken iba." Sapoenika pasaoetipoene, tan mari ipoen njambat kririhan tiange. Risse sapoenapine jakti saoeti tiang sapoeniki: ..Toesing dja sangkaning irjang ririh apa bates minget amon to sing dadi? Nah, lamoena toesing itjang soewoed mainget boeka i keto."Djag kaploek sapoenika kaget limanipoene ring tendas tiange, malih ten djangkajan, kanti makenjedan polon tiange, peteng-peteng matan tiange bena ngaploekin."
-,,Men, koedianga, tra kaploekin, - katimbal antoek I Sangga - bas keto tjanggihe, apa dia gae awake, njai sing taen trabisaan, inget di ngadjahin tingos njaine. Jen awake men ngadjahin njai, pang bisa nai kenjat noelangkang pangdjah awake."
-, To jen keto bikase ngadjahin timpal, tjara didja men?" Tan lad makebroes ndjantoes petane kenjang dogen, nganti patjranggah ngenah wat kakolongane mapeta, to dong keto bikas anake ngadjahin timpal. Sebenge satara mrengoel dogen, peloed matane barak boeka matan toeoe-toeoene delikang, njoereng tjara tjlepoek kaabin."
-,,Pah njai paling ririha, kaling awake nglemet ngogokang ajai bakal krasa toer kidep ban njai boedin awake. Oelian kasitengan awake njereh njai, bakal milegang njet njaine, masih toesina mitoeasin. Djani sadjaba kajoe anggon awake ngadjahin ngar apang patoeh tjarah ngadjah kebo sampi, ditoe mirib njai mara ngidepang."
-,, O keto na te awake kaden tjai kebo sampi, pantes! Karena keto dong ban atin tjaine atin sato, sangkal tjai matoehang awake tekening kebo sampi."