I Gusti Ketut Jelantik
| I Gusti Ketut Jelantik | |
|---|---|
| Wastan embas | I Goesti Ketoet Djelantik |
| Embas | 1800 Tukadmungga, Krajaan Karangasem |
| Seda | 1849 Jagaraga, Krajaan Buléléng |
| Pengabdian | Krajaan Buléléng |
| Pangkat | Patih |
| Yuda | Perang Bali II (Perang Jagaraga) |
| Penghargaan | Pahlawan Nasional Indonésia |
| Pasangan | I Gusti Ayu Madé Geria I Gusti Ayu Kompyang Gusti Biyang Madé Saji Jero Sekar[1] |
I Gusti Ketut Jelantik (ejaan lama: I Goesti Ketoet Djelantik) inggih punika silih tunggil pahlawan Indonésia sané mawit saking Karangasem, Bali. Ida dados patih ring Buléléng tur sareng ring Perang Bali I, Perang Jagaraga, miwah Perang Bali III sané kalaksanayang ring Bali, warsa 1849. Paperangan punika mawit saking Walanda sané kayun ngicalang "tawan karang" inggih punika hak para raja antuk ngambil kapal sané kandas ring genahnyané. Belanda madué tetujon antuk ngambil rempah utawi bebasan sané wénten ring Bali. Ritatkala jagi ka Bali, kapal Walandane kelem tur kaambil olih Krajaan Buléléng.[2]
I Gusti Ketut Jelantik nénten kayun Belanda ngambil genah ring Bali, nika mawinan ida nglawan Belanda, tur ida ngandika "saenun tiang urip, tiang nénten pacang nrima Belanda ring negeri puniki". Perang punika kapuputang antuk puputan, inggih punika makasami kramané mertahanang genahnyané ngantos puput utawi padem. Selanturnyané ida magingsir ka Gunung Batur, Kintamani, tur padem irika.
Manut perjuangan sané sampun kakaryanin olih I Gusti Ketut Jelantik ri tatkala invasi Belanda ring Bali, Ida katetepang dados pahlawan nasional Indonésia madasar SK Présidén RI No. 077/TK/Warsa 1993.
- ↑ Atiqoh Hasan. "I Gusti Ketut Jelantik". Kaarsipin saking versi asli tanggal 2021-08-14. Kaaksés 26 Juli 2018.
- ↑ Pringle, Robert, 1936- (2004). A short history of Bali : Indonésia's Hindu realm. Crows Nest, N.S.W.: Allen & Unwin. ISBN 1-86508-863-3. OCLC 54517415.CS1 maint: multiple names: authors list (link)