دانینق-کروقر ائتگیسی
دانینق-کروقِر ائتگیسی یا دا دانینق-کروقر سندروْمو، کوْرنِل بیلیمیوردونون ایکی سایکوْلوْغو (روانشناسی) جاستین کروقِر و دئیوید دانینقین تانیتدیردیغی بیر بیلیشسل تعصّۆبدۆر. ائلهکی بو سندروْمون ائتگیسینده، باجاریقسیز اینسانلار یانلیلیق (تعصۆب) ایله درک ائتمهگه مئیل گؤستَریرلر.
![](http://upload.wikimedia.org/wikipedia/commons/thumb/f/f9/Mr_Pipo_Dunning_kruger.svg/220px-Mr_Pipo_Dunning_kruger.svg.png)
بو وارساییم (فرضیه) اساسیندا، دئیوید دانینق و جاستین کروقر، "یانلیش سوْنوجلارا یا اوغورسوز سئچیملره یئتیشنلر، سوْنوجلارین یانلیشلیغینی یا سئچیملرینین اوغورسوزلوغونو آنلایابیلهجک یئتکینلیکلری (قابیلیّتلری) ده اولمایابیلر." باخیشینی ساوونماقدادیرلار.
وارساییم (فرضیه)
- یئتکین اوْلمایان (باجاریقسیز) اینسانلار اؤز باجاریقلارینی اۆستون توتماغا مئيل ائدیرلر.
- یئتکین اوْلمایان اینسانلار باشقا اینسانلارین گئرچک باجاریقلارینی درک ائتمیرلر.
- یئتکین اوْلمایان اینسانلار اؤزلریندهکی چاتیشمازلیغین اؤلچۆسۆنۆ گؤرهبیلمیرلر.
- بو یئتکین اوْلمایان اینسانلار باجاریقلارینی گلیشتیرمک اۆزره ائییتیم (تحصیل) آلیرلارسا، گئچمیشدهکی اکسیکلیکلرینی درک ائدیب قبول ائدرلر.
سوْنوج اوْلاراق، اینسانلار بیر قوْنو (مؤوضوع) حاقّیندا نه قدر آز بیلیرلرسه، بو آز بیلگی اصلینده اوْنلارین نه قدر آز بیلمکلرینی دۆشۆنمهگه مانع اوْلور و اوْ اینسانلار بو قوْنو ایله ایلگیلی هر شئیی بیلیرلر دئیه دۆشۆنۆب[۱] اؤزلرینه بیر اؤزگۆون (اعتماد به نفس) حیسّی قازاندیریرلار.
دستکلهین قایناق باخیشلار
- "جهالت، گنللیکله (عمومیّتله) بیلگیلی اوْلماقدان داها چوْخ٬ اؤزگۆونه نَدن اوْلور." چارلز داروین[۲]
- "دۆنیانین سوْرونو (مۆشکۆلۆ)، عاغیللیلار دائیماً شۆبهه ایچینده اوْلارکن، عاغیلسیزلارین اوتانمازجاسینا اؤزلریندن آرخایین اوْلماقلاریدیر." برتراند راسل[۳].
اؤدۆللر
۱۹۹۹-جو ایلده اوْرتایا آتیلان باخیش، ۲۰۰۰-جی ایلده جاستین کروقر و دئیوید دانینقه سایکوْلوْژی ساحهسینده ایقنوْبل اؤدۆلۆ قازاندیرمیشدیر.[۴]
ائشیک باغلانتیلار
قایناقلار
تۆرکیه تۆرکجهسی ویکیپدیاسینین ایشلدنلری طرفیندن یارانمیش«Dunning-Kruger etkisi»، مقالهسیندن گؤتورولوبدور. (۱۶ شهریور ۱۳۹۷ تاریخینده یوْخلانیلیبدیر).
- ^ Kruger, Justin (1999). "Unskilled and Unaware of It: How Difficulties in Recognizing One's Own Incompetence Lead to Inflated Self-Assessments". Journal of Personality and Social Psychology. 77 (6): 1121–34. doi:10.1037/0022-3514.77.6.1121. PMID 10626367.
{{cite journal}}
: Unknown parameter|coauthors=
ignored (|author=
suggested) (کؤمک) - ^ Charles Darwin (1871). The Descent of Man (w) Introduction, page 4. آرشیولنیب اصلی نۆسخهدن on 2012-04-10. یوْخلانیلیب2008-07-18.
- ^ Ehrlinger J., Johnson K., Banner M., Dunning D., Kruger J. Why the Unskilled Are Unaware: Further Explorations of (Absent) Self-Insight Among the Incompetent // Organizational behavior and human decision processes. — 2008. — Т. 105, вып. 1. — С. 98-121.
- ^ Ig Nobel Past Winners. Improbable Research. آرشیولنیب اصلی نۆسخهدن on 2013-01-26. یوْخلانیلیب7 March 2011.