Limp Bizkit
Limp Bizkit — 1994-cü ildə Ceksonvil şəhərində (Florida ştatı) yaradılmış ABŞ nü-metal qrupudur.
1994-cü ildə qrupun solisti Fred Dörst, bassist Sem Riverslə tanış olur və onlar birlikdə qrup yaratmaq qərarına gəlir. Onlara Riversin qohumu zərbçi Con Otto və qitaraçı Ves Borland qoşulur. 1995-ci ildə onlar House of Pain qrupunun keçimiş di-ceyi – DJ Letalı qrupa dəvət edirlər və ilk demo disklərini 4 mahnıdan ibarət olan Mental Aquaducts albomunu yazırlar. Elə ilk illərdən qrupun en boyuk dostu və onlara dəstək verən artıq məşhurlaşmış və böyük fanat dəstəsinə sahib olan Korn qrupu olur.
Ilk rəsmi albom "Three Dollar Bill, Yall$" olduqca uğurlu olsa da populyarlıq qazanmadı və yalnız qrupun 18 aylıq konsert turlarından sonra, yüksək satışlara nail oldu və dünya üzrə 2 milyon nüsxəyə yaxın satıldı. Bu günə kimi albom rapcore və nü-metal janrlarında yazılmış ən uğurlu albomlardan biri hesab edilir.
Limp Bizkit, 1999-cu ilin yazında, ikinci albomlarını – Significant Other – çıxartdı və Billboard 200 siyahısında birinciliyə yükseldi. "Nookie" mahnısı onların dünya şöhrətini bir qədər də artırdı.
2000-ci ilin axırında ise, 3-cü albom "Chocolate Starfish and the Hot Dog Flavored Water" işıq üzü gördü. Albomun ilk 2 sinqlı – "My Generation" ve "Rollin" uzun müddət musiqi siyahilarinda birinci yerde qaldi. Bu albom ilk həftəsində 1 milyondan çox satildi. Qrup bu satışla bir həftə içərisində ən çox satılan albom rekordunu da qirdi.
Mission Imposssible 2 (İcraolunmaz Tapşırıq 2) filminin soundtreki "Take A Look Around" mahnısına çəkilən klip, 2000 MTV Video müsabiqəsində Best Rock Video` mükafatina layiq görüldü.
2001-ci ildə Fredlə münasibətləri pis olan Ves qrupu tərk edir. Qrup keçmiş gitaristinə çətinliklə də olsa Mayk Smitin qismində əvəz tapır. Lakin o öz sələfinin yerini doldura bilmir.
Yeni gitaraçı ilə 2003-cü ildə yazılmış "Results May Wary" adlı 4-cu albom tənqidçilər tərəfindən mənfi rəylərlə qarşılanır. Bundan bir müddət sonra Mayk da qrupu tərk edir və qrup bəzi mahnılara (Almost Over, Build a Bridge) klip çəkə bilmir ki, bu da satışlara mənfi təsir göstərir. Albomun satışı yalnız 2008-ci ilin iyununda milyon nüsxə göstəricisini aşır.
2004-cü ildə Ves Borland qrupa geri qayıdır ve Limp Bizkit 2005-ci ilde, "The Unquestionable Truth (Part 1)" adlı EP yazır. Onların ən gözəl işlərindən biri olan albom Billboard’da 24-cü sırada yer tutur. Lakin qısa müddətdən sonra Ves yenidən, artıq ikinci dəfə qrupu tərk edir və vokalisti olduğu Black Light Burns adlı qrupu ilə birlikdə musiqi fəaliyyətini davam etdirir.
Hamının qrupun artıq dağıldığını düşünərkən, 2008-ci ilin sonunda Vesin qrupa geri dönəcəyi haqqında şailər yayılır. Bəziləri tərəfindən zarafat kimi qəbul edilən bu xəbər 2009-cu ildə həqiqətə çevrilir.
2009-cu ilin yay aylarında ilkin heyəti ilə, qrup Şərqi Avropada konsert turlarında iştirak edir. Qrupun üzvləri tez-tez twitter şəbəkəsindən istifadə edərək pərəstişkarlarını yeni xəbərlərlə sevindirir. Oktyabr ayının sonlarında Dörst yeni albomun yaxınlarda çıxacağını elan edib.
Qrup üzvləri
[redaktə | mənbəni redaktə et]Hazırkı üzvlər:
- Fred Durst – Vokal
- Ues Borland – Gitara
- Sem Rivers – Bass gitara
- Jon Otto – Zərb
- DJ Lethal – Turntable (DJ aləti)
Əvvəlki üzvlər:
- Mayk Smit
- Rob Uoters
Rəsmi albomlar
[redaktə | mənbəni redaktə et]- Three Dollar Bill, Yall$ (1997)
- Significant Other (1999)
- Chocolate Starfish And The Hotdog Flavored Water (2000)
- Results May Vary (2003)
- The Unquestionable Truth (Part One) (2005)
- Gold Cobra (2011)
- Still Sucks (2021)
Yığma albomları
Greatest Hits (2005)
Remiks albomlari
New Old Songs (Remix album) (2001)
Resmi Web Səhfesi: http://www.limpbizkit.com