Mixeil Saakaşvili

MİXAİL SAAKAŞVİLİ
gürc. მიხეილ სააკაშვილი
Doğum tarixi	21 dekabr 1967(1967-12-21) (57 yaş)
Doğum yeri	Tbilisi, Gürcüstan SSR, SSRİ
Həyat yoldaşı	Sandra Rulofs (1993–)
Anası	Qiuli Alasaniya
Təhsili	Kolumbiya Universiteti Hüquq Məktəbi[d], Strasburq Universiteti, Mayami Universiteti, Kolumbiya Universiteti, Corc Vaşinqton Universiteti[d]
Fəaliyyəti	hüquqşünas, siyasətçi, vəkil, televiziya aparıcısı
Elmi dərəcəsi	hüquq üzrə magistr[d]
Partiyası	Vahid Milli Hərəkat (Gürcüstan)
saakashvilimikheil.com
Vikianbarda əlaqəli mediafayllar

|} Mixail Saakaşvili (gürcücə - მიხეილ სააკაშვილი) - Gürcü siyasətçisi və 2004-cü ildən Gürcüstan Respublikasının prezidenti. 2003-cü ilin oktyabrında Gürcüstanda baş vermiş qızılgül inqilabının əsas ideya müəllifi olmuş və 15 yanvar, 2004-cü ildə ümumxalq səsverməsinin nəticələrinə əsasən Gürcüstan Respublikasının prezidenti seçilmişdir. 5 yanvar, 2008-ci ildə növbədənkənar seçkilərdə qələbə qazanaraq 2-ci dəfə bu etimada layiq görülmüşdür.

Həyatı

Atası Nikoloz Saakaşvili həkim, anası Giuli Alazania isə Tiflis Dövlət Universitetinin Tarix kafedrasında professor və Gürcüstan Elmlər Akademiyasında şöbə müdiri vəzifəsində çalışır.

Saakaşvili Kiyev Dövlət Universiteti nəzdində Beynəlxalq Münasibətlər İnstitutunun Beynəlxalq hüquq ixtisasını bitirmişdir. 1980-ci ilin sonlarından etibarən 2 il müddətində Sovet ordusu tərkibində Çexoslovakiya və Macarıstanda həqiqi hərbi xidmətdə olmuşdur.

1992-ci ildən il yarım müddətində Osloda yerləşən Norveç İnsan Hüquqları İnstitutunda, sonra isə Tiflisdə Gürcüstan İnsan Hüquqları Komitəsində çalışmış və azlıq hüququ üzrə ixtisaslaşmışdır. 1993-cü ildə Strasburqda yerləşən Beynəlxalq İnsan Hüquqları İnstitutunun diplomuna layiq görülmüşdür.

1994-cü ildə "Edmund S. Muskie Graduate Fellowship" proqramı üzrə təqaüd qazanaraq Kolumbiya Universitetinin Hüquq elmləri fakültəsində magistraturaya daxil olmuş, 1995-ci ildə Corc Vaşinqton Universitetində müdafiə edərək doktorluq dərəcəsi qazanmışdır.

Sandra Rulofs adlı holland əsilli qadınla ailə həyatı qurmuşdur və Eduard və Nikiloz adlı 2 övladı vardır. Ana dili ilə yanaşı ingilis, rus, fransız və ukrayna dillərində sərbəst danışır.

Filmoqrafiya

1. Böyük Ömrün Anları (2006)-Arxiv kadrlar (Tammetrajlı Sənədli Televiziya Filmi)
2. Böyük Ömrün Davamı (2007)-Arxiv kadrlar (Tammetrajlı Bədii-Sənədli Televiziya Film-Tamaşası)
3. BP Azərbaycanda (2007)-Arxiv kadrlar (Qısametrajlı Sənədli Film)
4. Mənə İnanın! (2007)-Arxiv kadrlar (Tammetrajlı Sənədli Televiziya Filmi)
5. Uğur Formulu (2007)-Arxiv kadrlar (Qısametrajlı Sənədli Televiziya Filmi)