Azad Azərbaycan TV

ATV
ATV
Ölkə	Azərbaycan
Yayım ərazisi	Azerspace-1 və Express AMU1 peyklərinin əhatə dairələri
Dil	Azərbaycan dili
Baş qərargah	Abbas Mirzə Şərifzadə küçəsi 10, Bakı, Azərbaycan
Yaranma tarixi	25 dekabr 2000
Sahibi	Azad Azərbaycan Teleradio Yayım Şirkəti
Rəhbərlik	Azər Xəlilov
Şüar	Ən baxımlı kanal (2003-2014; 2020-h.h.); Baxdıqca baxılır! (2014-2019)
Qardaş kanallar	106 FM (2000-h.h.); 106.3 FM (2004-h.h.); ATV International (2009-2013); ATV Cinema (2016-h.h.); ATV Vivace (2016-h.h.)
Sayt	atv.az
	Vikianbarda əlaqəli mediafayllar

Azad Azərbaycan — 25 dekabr 2000-ci il tarixində fəaliyyətə başlayan, Azərbaycanın özəl telekanallarından biri.

Tarixçə

"Azad Azərbaycan Teleradio Yayım Şirkəti" 13 may 1998-ci ildə Azərbaycan Respublikası Ədliyyə Nazirliyi tərəfindən dövlət qeydiyyatına alınıb, 25 dekabr 2000-ci il tarixində isə yayıma başlamışdır. İlk efir vaxtlarında yayım saatını əsasən kliplər, bədii və cizgi filmlər təşkil edirdi.^[1] Lakin 2002-ci ildən "Son Xəbər" adlı xəbər verilişi ilə informasiya proqramlarının yayımına başlamışdır^[2].

2003-cü il Prezident seçkiləri günü axşam saatlarında baş verən hadisələr zamanı ATV-nin müxbir və operatoruna da ciddi xəsarət yetirilmişdi.

31 dekabr 2007-ci il tarixinə qədər azərbaycanca verilişlərlə yanaşı rusca verilişlər də (Russkie Zvyozdı) yayımlayırdı. Sonradan MTRŞ-nin qəbul etdiyi qanuna görə 2008-ci ildə tamamilə Azərbaycan dilində yayıma keçmişdir.

2009-cu ilin oktyabrında ATV International adlı qardaş kanalı yayıma başlamışdı.

2011-ci ildə telekanalda əsaslı dəyişikliklər başladı. Telekanalın rəhbərliyi dəyişdi.

Həmçinin kanalın 10 ildən çox müddəti olan loqotipi də 10 may 2011-ci il tarixində dəyişdirildi.

2012-ci il sentyabr ayından tamamilə yeniləndi. Verilişlərin məzmunu, keyfiyyəti yaxşılaşdı. Televiziyanın sutkalıq yayımı 24 saata çatdırıldı. Televiziyanın ümumi efir vaxtının 93 faizini şəxsi istehsal proqramları (verilişlər və yerli seriallar), 4 faizini xaricdə istehsal olunan filmlər, 3 faizini isə reklam materialları təşkil etməyə başladı.

Telekanalın təsvir formatı 15 sentyabr 2015-ci il tarixində 4:3 formatından 16:9 formatlı yayım keçirilmişdir.

Telekanalın ANS TV ilə qalmaqallı münasibətləri var. Bunun başlanğıcı 2015-ci ildə Binəqədi rayonundakı yaşayış binasında baş verən yanğın hadisəsindən sonra Mətanət Əliverdiyevanın həmin hadisə ilə əlaqədar "Gündəlik" verilişində "Biz o faciəni lap faciə etməməliyik, elə bil külək idi, film idi, baxdıq, getdi" ifadələrini işlətməsindən sonra başladı.^[3] Həmin qalmaqalda ANS TV, Xəbərçi verilişində ATV-ni sərt tənqid etdi. Başqa qalmaqaldan biri də yenə həmin ilin sentyabr ayında ATV-nin Gürcüstandakı kilsələrin birində apardığı çəkilişlə bağlıdır.^[4] Həmin sujetdə ANS TV, ATV-ni insanların dini hisləri ilə oynamasında ittiham edir. O sujetə cavab olaraq ATV də ANS TV-ni tənqid etmişdi.^[5] İki kanal arasında qalmaqal davam etdi.

21 dekabr 2015-ci il tarixində "ATV Plus"da "HD" yayıma başlamışdır. Hazırda "ATV HD" kanalının ölkənin hər yerindən izlənilməsi imkanı var.

4 yanvar 2016-cı il tarixindən etibarən Rusiyanın "NTV Plus" kabel televiziyasında yayımlanır.

28 yanvar 2022-ci ildə "Azerspace-1" peykində HD yayım formatına keçib.

12 yanvar 2024-cü ildən etibarən "ATV HD" telekanalı 23-cü televiziya kanalında (490 Mhz tezliyində) yayıma başlayıb.

Bağlanması

1 may 2020-ci ildə "Bəzədilmiş duvaq" bədii filmində tütün məmulatından istifadə səhnəsinin aşkar şəkildə yayımlanması ilə "Televiziya və radio yayımı haqqında" Azərbaycan Respublikasının Qanununun 35.10-cu maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 6 may 2020-ci il tarixli 5/1 nömrəli qərarı ilə ATV-nin yayımı 9 may 2020-ci ildə saat 10:00-dan 11:00-dək 1 saatlıq dayandırılıb. Telekanal saat 11:00-da fəaliyyətini bərpa edib.^[6]

10 avqust 2020-ci ildə saat 16:00–17:00 arası müddətdə 15 dəqiqə 46 saniyə reklam yayımlanması "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 17 avqust 2020-ci il tarixli 12/2 nömrəli qərarı ilə ATV-nin yayımı 20 avqust 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini bərpa edib.

18 aprel 2024-cü ildə saat 05:29–06:38 arası müddətdə Azərbaycan Respublikası ərazisində müstəsna yayım hüququ digər audiovizual yayımçıya məxsus olan "Nyu Yorkda yağışlı bir gün" bədii filminin yayınlanmasına görə Azərbaycan Respublikası Audiovizual Şurası "Media haqqında" Qanunun 38.2-ci, 41.1.1-ci və 41.5-ci maddələrini rəhbər tutaraq 9 iyul 2024-cü il tarixli 21/24-10 nömrəli qərarı ilə ATV-nin yayımı 11 iyul 2024-cü ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini bərpa edib.

Xəbərlər Departamenti

2002: — "ATV Xəbər"
2002–2019: — "ATV Həftə Sonu"
2013–2020: — "ATV OLAY"
2013: — "ATV AKTUAL"
2019-2020: — "ATV Gündəlik"
2020-2021: — "ATV Qərargah"

Seriallar

2009–2019: — "Bacanaqlar"
2011–2018: — "Bozbash Pictures"
2012: — "Pərvanələrin rəqsi"
2012: — "Acılar bitməz"
2012–2013: — "Sirr"
2012–2013: — "Həkimlər"
2012–2013: — "Məhkumlar"
2012–2013: — "Qağayı"
2013–2014: — "Kabusun kölgəsində"
2013–2014: — "Ləkə"
2013: — "Son hədd"
2013–2014: — "Sonuncu fəsil"
2013–2014: — "Çaqqal nəfəsi"
2013–2014: — "Həyat çiçəyi"
2013–2014: — "Toy gecəsi"
2013–2014: — "Qız yükü"
2013–2014: — "Səfərin ailəsi"
2014: — "Qız atası"
2013–2015: — "5+"
2015–2016: — "3+1"
2015–2018: — "Qardaşlar"
2016–2018: — Vicdan haqqı (teleserial, 2016)
2016: — Dəfnə ağacı (teleserial, 2016)
2016: — Ər və arvad (serial, 2016)
2016–2017: — Günəşim ol (teleserial, 2016)
2016–2017: — Məryəm (teleserial, 2016)
2017–2018: — Laləli saray (teleserial, 2017)
2017–2018: — Ögey ana (teleserial, 2017)
2018–2019: — O gecə
2018–2019: — Təhminə və Zaur
2018–2019: — Sevgi naminə
2018–2021: — Buğlama
2018–2019: — Şou-Şu
2019–2020: — Duz komediya
2019: — Qara yazı
2019: — Keçmişin izində
2019: — Bir qadın
2019: — Qan qohumları
2019: — Bir Kişi Bir Qadın
2019–2020: — Leyli və Məcnun
2019-2024: — Yuxu kimi
2020: — Ailəmiz
2021: — BABAT

Xarici keçidlər

İstinadlar

↑ "Arxivlənmiş surət". 2019-02-22 tarixində arxivləşdirilib. İstifadə tarixi: 2015-09-20.
↑ ATV. "Bu gün "Azad Azərbaycan" telekanalının 20 ili tamam olur" (az.). Youtube.com. 25.12.2020. 2023-06-28 tarixində arxivləşdirilib. İstifadə tarixi: 2020-12-25.
↑ "Arxivlənmiş surət". 2016-04-01 tarixində arxivləşdirilib. İstifadə tarixi: 2015-09-20.
↑ "Arxivlənmiş surət". 2023-06-28 tarixində arxivləşdirilib. İstifadə tarixi: 2015-09-20.
↑ "Arxivlənmiş surət". 2017-04-07 tarixində arxivləşdirilib. İstifadə tarixi: 2015-09-20.
↑ "Arxivlənmiş surət". 2020-06-10 tarixində arxivləşdirilib. İstifadə tarixi: 2020-05-09.

[1] "Arxivlənmiş surət". 2019-02-22 tarixində arxivləşdirilib. İstifadə tarixi: 2015-09-20.

[2] ATV. "Bu gün "Azad Azərbaycan" telekanalının 20 ili tamam olur" (az.). Youtube.com. 25.12.2020. 2023-06-28 tarixində arxivləşdirilib. İstifadə tarixi: 2020-12-25.

[3] "Arxivlənmiş surət". 2016-04-01 tarixində arxivləşdirilib. İstifadə tarixi: 2015-09-20.

[4] "Arxivlənmiş surət". 2023-06-28 tarixində arxivləşdirilib. İstifadə tarixi: 2015-09-20.

[5] "Arxivlənmiş surət". 2017-04-07 tarixində arxivləşdirilib. İstifadə tarixi: 2015-09-20.

[6] "Arxivlənmiş surət". 2020-06-10 tarixində arxivləşdirilib. İstifadə tarixi: 2020-05-09.

[1]

[2]

[3]

[4]

[5]

[6]