Clas (bioloxía)

En bioloxía, la clas ye una categoría taxonómica asitiada ente'l filu o división y l'orde.

Nomenclatura

En plantes, los nomes de les clases tienen de llevar el sufixu "-opsida" (Magnoliopsida); n'algues, les clases tienen d'acabar en "-phyceae" (Chlorophyceae) y en fungos han de terminar en "-mycetes" (Agaricomycetes).

La subclas, tamién lleva sufixos concretos en plantes ("-idae", como Rosidae), algues ("-phycidae") y fungos ("-mycetidae").

N'animales y bacteries nun hai obligación d'un sufixu concretu pa denomar les clases nin les subclases (Mammalia, Insecta o Cephalopoda; Bacilli o Mollicutes).

Divisiones

Si la clasificación lo requier puen entepolase nueves categoríes ente la clas y el filu, siendo la más usada la superclase. De la mesma, puen entepolase categoríes ente la clas y l'orde, usándose con frecuencia la subclas y la infraclas.

FILU o DIVISIÓN
- Superclas
  - CLAS
    - Subclas
      - Infraclas
        ORDE

Ver tamién

Llista con toles clases del Reinu Animal

Referencies

Enllaces esternos

Wikimedia Commons tien conteníu multimedia tocante a Clas (bioloxía).