Jujutsu
_in_an_agricultural_school.jpg) Entrenamientu de Jujutsu nuna escuela agrícola en Xapón alredor de 1920 | |
| Tamién | Jujitsu, Jiu-jitsu |
|---|---|
| Enfoque | Agarres y proyeiciones, téuniques mistes, armes |
| País d'orixe |
 Xapón |
| Artes descendientes | Ente otres: Aikido, Hapkido, Jiu-Jitsu brasilanu, Yudu, Sambo |
| Deporte olímpicu | Non |
 | |
Jujutsu (柔術, jūjutsu), tórnase lliteralmente a "arte de la flexibilidá". Pa ser más exautos, significa l'arte d'usar la fuercia indireuta pa vencer a un oponente, como con llaves d'articulaciones o téuniques de proyeición, al contrario que la fuercia direuta que se fai por exemplu coles puñaes o les pataes. Esto nun implica que'l jujutsu nun enseñe o emplegue golpes, sinón que'l propósitu del arte ye, sobre too, l'habilidá de volver la fuercia d'un atacante contra él y contraatacar nel puntu más débil o indefensu.
Los métodos de combate inclúin golpes (pataes, puñaes), proyeiciones (proyeiciones corporales, proyeiciones sobre los xuegos, proyeiciones por desequilibriu), controles (arrestar, estrangular, garrar, lluchar) y armes. Les táctiques defensives inclúin bloquiar, safar, desequilibrar, adautase y escapar. Armes secundaries como'l tanto (puñal), ryufundo kusari (cadena con contrapesu), jutte (porra de fierro, pa machucar cascos), y kakushi buki (armes secretes o disimulaes) incluyéronse cuasi siempre nel koryu jujutsu.
La mayoría d'estos sistemes basábense nes circunstancies del campu batalla, y prauticábense como artes complementaries de los sistemes d'armes más comunes ya importantes. Daquella a estes artes de llucha dában-yos nomes perestremaos, como kogusoku, yawara, kumiuchi, y hakuda. En realidá estos sistemes d'agarres nun yeren dafechamente sistemes de combate ensin armes, pero descríbense más esautamente como medios a traviés de los qu'un guerreru desarmáu o poco armáu podia vencer en batalla a un enemigu mui bien armáu y con armadura. Idealmente'l samurai taría armáu y nun precisaría enfotase neses téuniques.
En tiempos más serondos, dellos koryu tresformáronse en sistemes más familiares pa los prauticantes del jujutsu que normalmente vemos güei. Estos sistemes tán xeneralmente diseñaos pa enfrentase a oponentes que nun lleven armadura nin tán nun mediu de batalla. Poro inclúin munchu usu de atemi waza (téuniques de cutir en puntos vitales). Son táctiques que diben ser de pocu xeitu contra un oponente con armadura nun campu batalla. Pero seríen de munchu valir pa daquién que s'enfrentara a un enemigu o oponente en tiempos de paz vistíu con ropa normal de cai. De xemes en cuando incluíense nel currículum armes discretes como cuchiellos o tessen (abanicos de fierro).
Anguaño prautíquense munches formes de jujutsu, tanto antigües como modernes. Dellos métodos de jujutsu incorporáronse o amestáronse al yudu y al aikido, y tamién foron esportaos al mundu enteru y tresformaos en sistemes de llucha deportiva, adoptaos en too o en parte por escueles de kárate o otres artes marciales non emparentaes, prauticaos inda como se facia hai sieglos, o tolo anterior en xunto.
Referencies
[editar | editar la fonte]Enllaces esternos
[editar | editar la fonte]- Escuela Kaze no Ryu Bugei - Historia y práutica de jujutsu tradicional xaponés
- Federación Mexicana de Artes Marciales Mixtas : Sitiu oficial Archiváu 2017-09-14 en Wayback Machine
- Jujutsu by Jigorō Kanō and T. Lindsay, 1887 (Transactions of the Asiatic Society of Japan, Volume 15) ... sobre'l jujutsu y los oríxenes del yudu
Wikimedia Commons acueye conteníu multimedia sobre Jujutsu.
