Puñetazu

Denómase puñetazu a los golpes que se solmenen col puñu cerráu, golpiando, xeneralmente a otra persona, cola intención de defensa o ataque.

La téunica del puñetazu ordinariu execútase cerrando'l puñu y golpiando col mesmu, alliniáu horizontalmente col brazu, siendo'l brazu l'elementu d'aplicación de tola fuercia exercida. Hai otra variante de puñetazu onde'l puñu se coloca vertical (cola palma de la mano mirando haza un llateral en vez d'haza abaxo) y mirando llixeramente haza abaxo en rellación al brazu, de forma que los deos que golpien seyan únicamente l'índiz y el mediu. Ye esti caberu'l puñetazu utilizáu normalmente en Kung-Fu y el recomendáu pa los que nun tuvieren un entrenamientu apropiáu (porque d'esta forma ye muncho más lluendio mancase la moñeca en casu de facelo mal).

Emplégase'l puñetazu, con desemeyaos nomes y distintes téuniques variantes, en munches artes marciales, asina como sistemes de defensa y ataque personal ensin armes, como nel Tai-Jitsu.

Conocíu tamién como trompón, quiño o puñete n'América llatina, y truscu o mochicón n'Asturies.