Sieglu VIII

Sieglos	Sieglu vii • Sieglu viii • Sieglu ix
Décades	700 • 710 • 720 • 730 • 740 • 750 • 760 • 770 • 780 • 790
	Tabla añal del sieglu VIII

El sieglu VIII d. C. (sieglu octavu dempués de Cristu) o sieglu VIII EC (sieglu octavu de la era común) empezó'l 1 de xineru del añu 701 y terminó'l 31 d'avientu del añu 800. Ye llamáu'l sieglu de los sarracenos» o «el sieglu de los árabes».

Esti sieglu destaca pola espansión musulmana, los árabes conquisten definitivamente'l norte d'África ya invaden la península ibérica, los árabes ganen a los visigodos na batalla de Guadalete onde'l mesmu rei Rodrigo fina na batalla, por cuenta de les disputes internes y a la falta de resistencia efectiva, el Reinu visigodu de Toledo sume asimiláu pol Califatu omeya, estos crucien los Pirineos ya invaden territoriu francu, siendo deteníos por Carlos Martel na decisiva batalla de Poitiers, frenando de manera definitiva a los musulmanes. Décades dempués, el rei de los francos, Carlomagno, funda'l Imperiu carolinxu, y ye reconocíu emperador pol mesmu papa, l'imperiu apenes va sobrevivir al propiu Carlomagno, yá que tres la muerte del so débil fíu, el so nietos partirán el so imperiu.

Mientres, n'oriente, los musulmanes espanden les sos fronteres hasta'l ríu Indo, na frontera cola India, llegando a la so máxima espansión n'oriente, nel Indo, y n'occidente, na provincia de la Septimania. Pela so parte, l'Imperiu bizantín, sufre'l asediu de Constantinopla nos años 717 y 718 a manes de los árabes, asediu que llogra ser rotu gracies a l'ayuda de los búlgaros y a les casi inexpugnables defenses de la ciudá.

Acontecimientos relevantes

Guerres y política

711: Táriq ibn Ziyad desembarca cerca de Xibraltar, ganando a los visigodos na batalla de Guadalete y poniendo fin al reinu visigodu de Toledo.
717-718: los árabes empecipien l'asediu sobre Constantinopla, la ciudá ye lliberada gracies a l'ayuda de los búlgaros.
732: Carlos Martel derrota a los musulmanes na batalla de Poitiers, frenando la meyora musulmana de manera definitiva.
751: Na batalla del Baltes, un exércitu árabe-turcu gana a un exércitu chinu de la dinastía Tang na actual Kirguistán.
756: Abderraman I l'últimu miembru de los Omeya toma Córdoba fundando'l emiratu de Córdoba dixebrándose del califatu de Bagdag.

755-763: La Rebelión de An Lushan afara los territorios de China mientres el periodu de gobiernu de la dinastía Tang.
772-804: Carlomagno invade'l noroeste d'Alemaña, anexonando el Ducáu de Saxonia al Imperiu Carolinxu tres 30 años de lluches.
792: Los búlgaros ganen a los bizantinos na Batalla de Marcelae, dirixíos pol emperador Constantino VI.
794: Empieza'l Periodu Heian en Xapón y la so capital Kioto.

Cultura

Primer rexistru de la poesía xaponesa del estilu Haiku.
726: Lleón III el Isaurio instaura la iconoclasia como política relixosa.
787: La emperatriz bizantina Irene llapada al Segundu Conceyu de Nicea, pa tratar la tema de la iconoclasia.

Persones relevantes

Adriano I (- 795): papa de Roma, el so papáu foi unu de los más duraderos de la historia.
Alcuino de York (735 - 804): santu pola ilesia anglicana, teólogu y pedagogu anglosaxón.
Beda (672 - 735): santu y escritor d'orixe anglosaxón.
Carlomagno (742 - 814): fundador del Imperiu Carolinxu.
Carlos Martel (686 - 741): mayordomu de palaciu d'Austrasia.
Desiderio (710? - 786): últimu rei de los lombardos.
Don Pelayo (- 737): primer monarca del Reinu d'Asturies.
Du Fu (712 - 770): poeta chinu.
Esteban II (715 - 757): papa de Roma y fundador de los Estaos pontificios.
Harún al-Rashid (766 - 809): califa abasí.
Irene (752 - 803): santa de la ilesia ortodoxa, emperatriz bizantina.
Juan Damascenu (675 - 759): teólogu y escritor siriu.
Li Bai (701 - 762): poeta chinu.
Marwan II (688 - 750): últimu califa del Califatu omeya.
Musa ibn Nusair (640 - 716): caudiellu militar musulmán.
Nicéforo I (765 - 811): emperador bizantín.
Padmasambhava: fundador de la escuela tibetana de budismu Nyingma.
Pipino el Curtiu (715 - 768): mayordomu de palaciu d'Austrasia y Neustria, padre de Carlomagno.
Rodrigo (711- 712): últimu monarca visigodu del Reinu visigodu de Toledo.
Táriq ibn Ziyad (689 - 720): caudiellu militar musulmán.
Teodulfo d'Orleans: santu y obispu d'Orleans d'orixe español.
Walid I (668 - 715): califa omeya.
Xuanzong (685 - 752): emperador chinu de la dinastía Tang.

Referencies

Enllaces esternos