Napalm
El napalm o DNapalm xelatinoso ye un combustible que produz una combustión más duradera que la de la gasolina simple[1]. Esta carauterística fixo que s'usara por dalgunos exércitos en delles guerres. El nome napalm procede del acrónimu d'ácidu nafténico y ácidu palmítico, colos que se fabrica.
Carauterístiques químiques
[editar | editar la fonte]N'orixe yera ácidu fosfórico, más tarde usáronse xabones d'aluminiu d'ácidos nafténicos y del aceite de cocu. Al entemecer el xabón d'aluminiu con gasolina llógrase un xel de gasolina. Esto produz una sustancia altamente inflamable y qu'ambura amodo. Puede apagase per aciu la inmersión total n'agua o con privación d'osíxenu, pero en cualesquier otru casu ambura indefinidamente. Ye posible prender con cualesquier componente que faiga ignición cola gasolina normal.
Una de les empreses que la fabrica ye la Dow Chemical Company.
El nuevu napalm, "Napalm B" contién bencenu y poliestirenu pa estabilizar la base de la gasolina.
El napalm ye a incinerar toa mena de material, dexando edificios y oxetos amburaos gracies a la so capacidá d'espandise pol osíxenu.
Historia
[editar | editar la fonte]Metanto la Segunda Guerra Mundial, los Aliaos y l'Alemaña nazi usaron la gasolina como arma en llanzallames[2], yá que namái la gasolina yera un rápidu y eficaz dispositivu incendiariu. Necesitábase una sustancia adicional pa producir una combustión de gran algame y persistencia pero que nun se consumiera velozmente.
Magar que losl investigadores atoparen maneres de faer gasolina convertida en xelatina, munches d'elles riquieron de cauchu como componente principal, que mientres tiempos de guerra yera una materia escaso. En 1942, investigadores de la Universidá de Harvard (conducida pol Dr. Louis Fieser) y el cuerpu químicu del Exércitu de los Estaos Xuníos atopó la solución: el napalm.
Les bombes incendiaries qu'usaben el napalm como'l so combustible usáronse nel bombardéu escontra la ciudá alemana de Dresde y escontra Xapón.
Dempués de la guerra, el refinamientu y el desenvolvimientu adicionales del napalm foron entamaos pol Gobiernu de los Estaos Xuníos y los sos llaboratorios afiliaos.
Dellos países fixeron usu del napalm mientres conflictos armaos. Les fuercies armaes de Grecia usáronlu mientres la Guerra Civil Griega, les fuercies de paz de la ONX usáronlu na Guerra de Corea, Marruecos nel Rif y el Sáḥara Occidental, ente otros. Sicasí ye'l Exércitu de los Estaos Xuníos el que más se sirvió d'esti elementu mientres les sos numberoses incursiones militares como na Guerra de Vietnam o na Guerra d'Iraq o suministrándo-ylu al Exércitu Dominicanu de Rafael Leónidas Trujillo, na espedición del 14 de xunu o al Exércitu Cubanu de Fulgencio Batista mientres la Revolución Cubana.
El napalm usóse apocayá nel Sáḥara Occidental (1976-77), Irán (1980-88), Israel (1967, 1982), Brasil (1972), Nixeria (1969), Exiptu (1973), Xipre (1974), Arxentina (1982).[3] Iraq (1980-88, 1991), Serbia (1994), Turquía (1974, 1997), El Salvador (1980-1992) y Angola. Amás, foi la principal arma usada pol dictador etíope Mengitsu pa encalorar les insurrecciones eritrees.
Producción
[editar | editar la fonte]Ente 1965 y 1969, la compañía Dow Chemical Company produxo napalm pal exércitu norteamericanu. Dempués de que llegaren noticies de los tarrecibles efeutos del napalm a la opinión pública, Dow Chemical sufrió boicóes a los sos productos. La direición de la compañía decidió que la so principal obligación yera col gobiernu. Mentanto, el napalm B convirtióse nun símbolu de la Guerra de Vietnam[4].
Referencies
[editar | editar la fonte]- ↑ https://www.quimica.es/enciclopedia/Napalm.html
- ↑ https://www.exordio.com/1939-1945/militaris/armamento/napalm.html
- ↑ «Part 38. 2 Pa's approach to and battle for Darwin and Goose Green» (inglés). San Carlos landings and consolidation (Parts 33-40). Consultáu'l 30 de mayu de 2015.
- ↑ https://www.greelane.com/es/humanidades/historia-y-cultura/napalm-and-agent-orange-in-vietnam-war-195797
Enllaces esternos
[editar | editar la fonte]
Wikimedia Commons tien conteníu multimedia tocante a Napalm.
