La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.
Mapa de Luisiana, asoleyáu en 1734 por Christoph Weigel.
Luisiana, (en francés: La Louisiane; La Louisiane française) o Luisiana Francesa, yera'l nome que recibía un distritu alministrativu de Nueva Francia, nome pol que se conocíen el conxuntu de les colonies franceses n'América del Norte. Recibió'l so nome del esplorador francés René-Robert Cavelier, que-y lo punxo n'honor del rei francés Lluis XIV. El territoriu, que perteneció a Francia ente 1682 y 1769 y de 1801 (nominalmente) a 1803, comprendía inicialmente un estensu territoriu qu'incluyía la mayoría de la conca fluvial del ríu Mississippi y que diba de los Grandes Llagos (al norte) al golfu de Méxicu (al sur) y de los Apalaches (al este) a los Montes Rocosos (al oeste). La Luisiana dividíase en dos rexones, conocíes anguaño como Alta Luisiana (la Haute-Louisiane) y Baxa Luisiana (la Basse-Louisiane): la primera comprendía'l territoriu asitiáu al norte del cursu del ríu Arkansas, y la segunda l'allugáu al sur. L'actual estáu d'Estaos Xuníos homónimu, Louisiana, heredó'l nome d'esta rexón histórica, magar que'l so territoriu ye namái una pequeña parte de la gran estensión de tierres que reclamaba Francia como de so.
La esploración francesa del área entamó embaxu'l reináu de Lluis XIV, pero la colonia nun se desarrolló muncho por falta de recursos financieros ya de colonos. De resultes de la derrota na Guerra de los Siete Años Francia foi forciada a ceder la fastera oriental del territoriu, en 1763, a los británicos, y la occidental a España pa compensar la pérdida española de la Florida. Francia recuperó la soberanía de la metá occidental per aciu del Tratáu de San Ildefonsu, un tratáu secretu robláu ente España y Francia en 1800. Napoleón Bonaparte, perocupáu coles sos guerres europees, vendió-y el territoriu a Estaos Xuníos en 1803. Esti alcuerdu, conocíu como Compra de Luisiana, supunxo'l final de la presencia francesa en Luisiana.
Estaos Xuníos cedió al Reinu Xuníu, pol Tratáu de Londres de 1818, parte del territoriu mercáu a Francia; concretamente, el situáu al norte del paralelu 49º. Esti territoriu intégrase anguaño nes provincies canadienses d'Alberta y Saskatchewan.
Wikimedia Commons acueye conteníu multimedia sobre Luisiana.
Datos: Q658054