Katakana
 | |
| Tipos | silabariu, sistema d'escritura natural y alfabetu de caxa única |
|---|---|
| Llingües | xaponés, llingües ryukyuenses y Llingua ainu |
| Creador | Shi Konghai |
| Dates | 800 |
| Orixe | Xapón |
| Basáu en |
Man'yōgana (es)  |
| ISO 15924 | Kana (411) |
| Direición del testu |
vertical right-to-left (en) y d'izquierda a derecha |
| Estaya Unicode | U+1B000-1B0FF[1], U+1B100-1B12F[1], U+1B130-1B16F[1], U+30A0-30FF[1] y U+31F0-31FF[1] |
 | |
El katakana (片仮名), ye ún de los dos silabarios emplegaos na escritura xaponesa xunto col hiragana. Atribúyise la so invención al monxu Kukai o Kobo Daishi. Tamién llamase katakana a cualesquier de los carauteres d'esi silabariu. Cuando se refier al conxuntu de silabarios hiragana y katakana conózse-y como Kana. Esti silabariu ye'l mas vieyu de la llingua xaponesa.
Estos carauteres, al contrario de los kanji, nun tien nengún valor conceutual, sinón namái fonéticu.
El silabariu katakana consta de 46 carauteres que representen sílabes formaes por una consonante y una vocal, o bien una única vocal. La única consonante que pue dir sola ye la 'n'.
Carauteres katakana básicos
| A | I | U | E | O | |
|---|---|---|---|---|---|
| ア (a) | イ (i) | ウ (u) | エ (e) | オ (o) | |
| K | カ (ka) | キ (ki) | ク (ku) | ケ (ke) | コ (ko) |
| S | サ (sa) | シ (shi) | ス (su) | セ (se) | ソ (so) |
| T | タ (ta) | チ (chi) | ツ (tsu) | テ (te) | ト (to) |
| N | ナ (na) | ニ (ni) | ヌ (nu) | ネ (ne) | ノ (no) |
| H | ハ (ha) | ヒ (hi) | フ (fu) | ヘ (he) | ホ (ho) |
| M | マ (ma) | ミ (mi) | ム (mu) | メ (me) | モ (mo) |
| Y | ヤ (ya) | ユ (yu) | ヨ (yo) | ||
| R | ラ (ra) | リ (ri) | ル (ru) | レ (re) | ロ (ro) |
| W | ワ (wa) | ヰ (wi) | ヱ (we) | ヲ (wo / o) | |
| N | ン (n) | ||||
En bermeyo y enfatizaos los carauteres obsoletos.
ヰ (wi) y ヱ (we) tan en desavezu y yá nun s'utilicen (arriendes, la so pronunciación auténtica ye, respeutivamente, i [i] e (y)e [j̆e]/[e]). Pa representar wi y we (con pronunciación wi y we) úsense ウィ y ウェ, respeutivamente.
Dalgunos carauteres katakana tienen delles asemeyances, como asocede con so (ソ) y n (ン), shi (シ) y tsu (ツ), u (ウ) y wa (ワ). Otros, como he (ヘ) y mo (モ), aseméyense a los equivalentes en hiragana ( へ y も respeutivamente).
Pronunciación: Toles lletres se pronuncien más o menos como n'asturianu sacante:
- u [ü̜] (comprimía, non arredondiada)
- sh [ɕ] (como la sh inglesa)
- h [h] (aspirada inglesa, pero más suave)
- f [ɸ] (ente f y h aspirada inglesa)
- y [j̆] (una i faciendo diptongu)
- r [ɺ̠] (asemeyada a la r suave asturiana)
Referencies
Enllaces esternos
Wikimedia Commons tien conteníu multimedia tocante a Katakana.
