NGC 6782
| NGC 6782 | ||
|---|---|---|
 | ||
| Datos d'observación (dómina J2000.0) | ||
| Tipu | (R')SB(r)0/a | |
| Ascensión reuta | 19h 23m 57.2s | |
| Declinación | -59° 55' 21" | |
| Distancia | 183 millones de al | |
| Magnitú aparente (V) | 11,8 | |
| Tamañu aparente (V) | 2,2' × 1,4' | |
| Constelación | Pavu | |
| Carauterístiques físiques | ||
| Magnitú absoluta | - | |
| Otres carauterístiques | ||
| - | ||
| Otres designaciones | ||
PGC 63618 | ||
| [editar datos en Wikidata] | ||
NGC 6782 ye una galaxa espiral barrada que s'atopa a 183 millones de años lluz de distancia na constelación de Pavu nel hemisferiu austral. El so magnitú aparente ye 11,8 y la so rellumu superficial 12,6 mag/arcsec2.
Cuando la mira en lluz visible, NGC 6782 esibe unos brazos espirales bien apertaos que-y dan un aspeutu de molinete similar al d'otres galaxes espirales. Sicasí, observaciones con lluz ultravioleta realizaes col Telescopiu Espacial Hubble dexen ver dos brazos espirales tenues y polvorientos que remanecen del cantu esterior del aníu azul. Delles estrelles azules tremaes en forma de dos brazos espirales débiles nel cantu esterior de la galaxa amuesen qu'ellí tamién tien llugar daqué de formación estelar. L'aníu interior arrodia un pequeñu abultamientu central y una barra d'estrelles, polvu y gas.
En rellación con esto, hai que señalar que la lluz proveniente de galaxes que s'atopen bien alloñaes vese aburuyada escontra longitud d'onda más llargues y coloraes (desplazamientu al bermeyu), por cuenta de la espansión del universu. Si quieren comparase les imaxes en lluz visible de les galaxes bien distantes coles galaxes del nuesu vecinderu, tienen d'utilizase imaxes ultravioles d'estes postreres.
NGC 6782 afayóse por John Herschel el 30 de xunu de 1834.
