Nuberu (mitoloxía)
El Nuberu ye un ser de la mitoloxía asturiana que tamién pue ser nomau como Xuan Cabritu, al que se-y asocia a dellos fenómenos meterolóxicos. Suel representase como un ser d'aspeutu humanu mui feu: boca grande, pates torcíes, dientes con grandes paletes y prietos, oreyes desabrochaes y güeyos rellumantes, a vegaes con barba y sombreru prietu. A vegaes apaez como nianín y deforme. Otres vegaes apaez como un home descomanáu, bigardu.
Dizse que ye d'un pais muy lloñe, al paecer Exiptu, nel que vive con la so familia nel altu una montaña tapecía pola borrina. Esti ser viaxa coles ñubes y fai que descarguen rayos y xarazu que freñen les tierres semaes, dacuandu tamién pue tirar culases y pelos de bicerra. Representa fuercies incontrolaes como les tormentes y la lletrecidá d'elles. A vegaes tamién fae una borrina abondo espesa que fai que los pastores y vaqueiros piérdanse nel monte.