Bandera d'Exiptu
La bandera nacional d'Exipto foi adoutada'l 4 d'ochobre de 1984. Ye una bandera compuesta por trés franxes horizontales del mesmu tamañu de color roxu (la superior), blanca (la central) y prieta (la inferior). El color roxu alude a la hestoria'l país, ta adoutáu de la bandera que s'usó demientres el sieglu XIX, pero l'orixe de los elementos d'esta bandera ye otomanu. El blancu representa la Revolución de 1952 que permitió la deposición incruenta del rei Faruk I y que finó cola definitiva proclamación de la República tres derrocar a Fuad II al añu viniente. El color prietu simboliza la fin de la opresión qu'exerció'l colonialismu británicu sobre'l pueblu exipciu. Na parte central de la bandera apaez representáu, dientru de la franxa de color blanca, l'escudu d'Exipto.