Theta Carinae
Theta Carinae (θ Car / HD 93030 / HR 4199) ye una estrella na constelación de Carina de magnitú aparente +2,74.[8] Alcuéntrase a 439 años lluz del Sistema Solar.
Coordenaes: 10h 42m 57.402s, -64° 23′ 40.021″
Theta Carinae ye una caliente estrella azul de la secuencia principal (tipu espectral B0Vp) que la so temperatura efectivo averada ye de 27.900 K. La so lluminosidá equival a 16.600 soles y el so radiu ye 5,5 vegaes más grande que'l del Sol. La so velocidá de rotación proyeutada, 177 km/s, da llugar a un curtiu periodu de rotación igual o inferior a 1,6 díes. Catalogada como estrella peculiar —nótese la p nel so tipu espectral—, ye una estrella rica en siliciu. Con una masa 15 vegaes mayor que la masa solar, va rematar la so vida como una espectacular supernova.[9]
Theta Carinae ye miembru del cúmulu abiertu IC 2602, la so distancia al respective de nós y el so movimientu al traviés del espaciu asina lu acoten. Sicasí, la edá de Theta Carinae —envalorada nunos pocos millones d'años— ye bien inferior a la edá del cúmulu —34 millones d'años—, polo que-y la considera una «estrella arrezagada azul». Esta clase d'estrelles —ente les que Theta Carinae ye l'exemplu más brillosu— tendríen de tar más avanzaes nel so evolución dada la so elevada masa; munches d'elles son la resultancia de la fusión de dos estrelles distintes.[9]
Referencies
editar- ↑ 1,0 1,1 1,2 1,3 1,4 1,5 1,6 1,7 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi: .
- ↑ Afirmao en: Spectral classification of Southern fundamental stars. Stated in source according to: SIMBAD. Páxina: 1. Data d'espublización: 1962.
- ↑ Theta Car (SIMBAD)
- ↑ 9,0 9,1 Theta Carinae (Stars, Jim Kaler)