Talibán

El movimientu talibán ye de calter nacionalista musulmán y son sunnites. Gobernó Afganistán ente 1996 y 2001, cola reconocencia diplomática de namái que tres países: Emiratos Árabes Xuníos, Paquistán y Arabia Saudita. La xente de más renome d'ente ellos, amás del mullah Mohammad Omar líder del movimientu, yeren cenciellos mulás d'aldea (eruditos relixosos islámicos amenorgaos). El movimientu talibán taba formáu por Pashtunes d'Afganistán y la provincia de la llende del noroeste del Paquistán.

Bandera de los talibanes, asemeyada a la d'Arabia Saudita, cola shahada o profesión de fe del islam.

Depués de la cayida de la prosoviética República Democrática d'Afganistán nel añu 1992, Afganistán entamó una guerra civil ente los señores de la guerra. Los talibán d'aquella paeció una fuercia que yera quien a trayer orde al país. De la que xubieron al poder truxeron meyores económiques, al esapaecer los pagos que los comerciantes teníen de facer a los señores de la guerra, ventaxes polítiques al amenorgar les lluches ente facciones y estabilidá relativa al facer normes delantre una sociedá caótica. Tres d'esi tiempu nel que paecía ameyorar el país, munchos de los observadores internacionales quitáron-yos el so sofitu.

Tres de la cayida de les Torres Ximielgues nos Estaos Xuníos, atacaron Afganistán y los talibán cayeron.