Qeqqata

Qeqqata (en groenlandés: Qeqqata Kommunia) ye una municipalidá de Groenlandia. Nacida cola nueva organización alministrativa del país, operativa dende xineru de 2009, abarca lo que yera'l territoriu non incorporáu de Kangerlussuaq amás de dos de les municipalidaes que primero d'esi añu taben incluyíes nel condáu de Kitaa: Maniitsoq y Sisimiut. Esti últimu pueblu ye la sede de les instituciones alministratives del territoriu y el segundu más grande del país (5.460 habitantes en 2010). La municipalidá tien una estensión de 115.500 km² y una población de 9.677 habitantes.

Qeqqata
Alministración
País	Reinu de Dinamarca
País autónomu	Groenlandia
Tipu d'entidá	conceyu de Groenlandia
Cabezaleru/a del gobiernu	Malik Berthelsen
Códigu postal	3911 y 3912
Xeografía
Coordenaes	66°30′N 48°00′W
Qeqqata Qeqqata (Groenlandia)
Superficie	115500 km²
Llenda con	Sermersooq y Qeqertalik
Demografía
Población	9423 hab. (2016)
Porcentaxe	16.65% de Groenlandia
Densidá	0,08 hab/km²
Más información
Fundación	1r xineru 2009
qeqqata.gl

Nel so territoriu, en Kangerlussuaq, alcuéntrase'l mayor aeropuertu del país, anguaño namái d'usu civil dempués que fora utilizáu polos Estaos Xuníos como base aérea militar.

Xeografía

La municipalidá llenda, al sur y el este, cola de Sermersooq, y al norte cola de Qaasuitsup. Al oeste llenda coles agües del estrechu de Davis, que separta Groenlandia de la islla canadiana de Baffin.

Cases en Kangerlussuaq

Vista aérea de l'aeropuertu de Kangerlussuaq

Poblaciones y asentamientos

• Atammik
• Itilleq
• Kangaamiut
• Kangerlussuaq (nome danés: Søndre Strømfjord)
• Maniitsoq (nome danés: Sukkertoppen)
• Napasoq
• Sarfannguit
• Sisimiut (nome danés: Holsteinsborg)

Enllaces esternos

• (n'inglés) Páxina web de la municipalidá de Qeqqata Archiváu 2009-04-05 en Wayback Machine

• Datos: Q476233
• Multimedia: Qeqqata