Patoloxía
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La patoloxía —del griegu, estudiu (logos) del sofrimientu o dañu (pathos)— ye la parte de la medicina encargada del estudiu de les malures nel so más enancháu sentíu, ye dicir, como procesos o estaos anormales de causes conocíes o desconocíes.
| Patoloxía | |
|---|---|
| especialidá médica, disciplina académica, especialidá y campu d'estudiu | |
problema de salud (es)  y clinical sciences (en) | |
.jpg) | |
 |
Les prebes que meyor amuesen la esistencia d'una enfermedá básense cimeramente nel esame d'una llesión en tolos sos niveles cadarmales, la evidencia de la presencia d'un microorganismu (bacteria, parásitu, fongu o virus) cuando se trata d'una enfermedá infeiciosa o l'alteriadura de dalgún o dalgunos componentes del organismu (por exemplu la glucosa na diabetes mellitus, o la hemoglobina, na anemia).
Los patólogos puen ser anatomopatólogos o patólogos clínicos. Los anatomopatólogos dedíquense al diagnósticu basáu na observación morfolóxica de llesiones, cimeramente al traviés de la microscopía de lluz, emplegando diversos tipos de tinciones. Los patólogos clínicos dedíquense al diagnósticu al traviés de los analís propios del llaboratorio clínicu, incluyendo los métodos emplegaos en delles disciplines como la Hematoloxía, Inmunoloxía, Microbioloxía y Química clínica (o Bioquímica).
La patoloxía nun ha tracamundiase cola nosoloxía, que ye la descripción y sistematización de les malures.
