Parque Nacional de Groenlandia del noreste
El Parque Nacional de Groenlandia o Parque Nacional de Groenlandia del noreste (Grønlands Nationalpark) ye'l parque nacional más grande nel mundiu, con una área de 972.000 quilómetros cuadraos.
Parque Nacional de Groenlandia del noreste | |
---|---|
![]() | |
Alministración | |
Tipu d'entidá | parque nacional |
Nome oficial | Nationalparken i Nord- og Østgrønland (da) |
Nome llocal | Kalaallit Nunaanni nuna eqqissisimatitaq (kl) |
Xeografía | |
Coordenaes | 77°12′N 37°30′W / 77.2°N 37.5°O |
![]() | |
Superficie | 972000 km² |
Llenda con |
Sermersooq y Avannaata (es) ![]() |
Demografía | |
Población | 100 hab. (2018) |
Densidá | 0 hab/km² |
Fundación | 22 mayu 1974 y 1974 |
![]() |
Ye tamién l'únicu parque nacional en Groenlandia. El parque tien la totalidá de la fastera noreste y les seiciones interiores de Groenlandia, que ye la islla más grande del mundiu. Orixinalmente fechu nel 22 de mayu de 1974, el parque foi ensancháu al so tamañu de güei nel 1988. En xineru de 1977 foi designáu reserva internacional de la biosfera. Ye supervisáu pol Departamentu del Ambiente y la Naturaleza de Groenlandia.
Población
editarEl parque nun tien población humana permanente. Nel 1986, la población permanente del parque yera de 40 persones, viviendo en Mesters Vig anque 400 llugares tuvieron usu ocasional de branu. Estes 40 persones facian operaciones de llimpieza xeneral y lliquidación de llugares d'esploración minera pero pronto dexaron estes operaciones. Recientemente sólo 27 persones y cuasi 110 perros tuvieron presentes al terminar l'iviernu nel Noreste de Groenlandia:
- Daneborg o Estación Daneborg (12 persones) cuartel xeneral de la Srædepatruljen Sirius (Patrulla Sirius), l'axencia de policía del parque.
- Danmarkshavn (Puertu de Dinamarca) (8 persones) pequeña estación climatolóxica civil.
- Estación Nord (5 persones) base militar del Comado de Defensa Danés, esta estación tien capacidá pa más de 20 científicos durante los meses de branu.
- Mestersvig (2 persones) avanzada militar con una pista de grava de 1.800 metros, ocasionalmente recibe turistes en veranu.
Fauna
editarHai un númberu estimáu de 5.000 a 15.000 gües almizcleros (alredor del 40% de la población mundial d'esta especie), asina como numberosos osos polares y morses puen ser observaos cerca de les rexones costeres del parque.
Otros mamíferos que puen ser vistos nesta rexón incluyen al rapiegu polar, l'armiñu, el lemming de collar y la llebre ártica. El renu dexó'l parque nel 1900 y los llobos nel 1934, anque los llobos vuelven ocasionalmente. Otros mamíferos marinos incluyen a la foca anillada, la foca barbada, la foca arpa y la foca encapuchada asina como'l narval y la ballena blanca.
Les especies de páxaros que medren nel parque son por exemplu: la (Gavia immer) Colimbu grande, el (Branta leucopsis) gansu bernacle, el (Anser brachyrhynchus) gansu pates roses, (Somateria mollissima) eider común, (Somateria spectabilis) eider rei, el (Falco rusticolus) gerifalte, (Nyctea scandiaca) curuxa nival, sanderling, el lagópedu y cuervu.
Referencies
editarEnllaces esternos
editar- Páxina del Parque Archiváu 2006-04-22 en Wayback Machine
- Galería de Semeyes Archiváu 2007-09-05 en Wayback Machine
- Uebsite de la ONX sobre el Parque