Myia
Myia (en griegu antiguu: Μυῖα, lliteralmente «Mosca»; fl. c. 500 e.C.) foi una filósofa pitagórica y, según la tradición más tardida, una de les fíes de Téano y Pitágores.[1]
Myia | |
|---|---|
| Vida | |
| Nacimientu | Crotone, sieglu VIedC |
| Muerte | Crotone, sieglu VIedC |
| Familia | |
| Padre | Pitágores |
| Madre | Téano |
| Casada con |
Milón de Crotona (es)  |
| Hermanos/es | |
| Estudios | |
| Llingües falaes | griegu antiguu |
| Oficiu | filósofa, matemática, escritora |
 | |
Vida
editarMyia tuvo casada con Milón de Crotona, el famosu atleta. De mozu foi líder del coru, y como muyer, sobresalió pol so exemplar comportamientu relixosu.[2] Luciano de Samósata, nel so Aponderamientu de la mosca, declara que podría dicir munches coses sobre Myia de Pitagóras si non fora pol fechu de que la so hestoria ye conocida por toos.[3]
Esiste una carta atribuyida a Myia. Ye espuria, y probablemente data del sieglu III o del II e.C.[4] La carta ta dirixida con certidume a una Phylis, y fala de la importancia de cumplir coles necesidaes d'un naciellu según el principiu d'harmonía. Según la escritora, un ñácaru por naturaleza desea moderación en toles coses, como na alimentación, la ropa, la calefacción, etc., y la cuidadora del ñácaru tien de ser moderada tamién.[5]
Carta de Myia a Phylis
editarTas próxima a vierti constituyida nel estáu de madre; y tolos tos cuidos tienen d'emplegase agora na eleición d'una bona nodriza. Procura que se predomine en términos que pueda negase constantemente a los afalagos del so home: que sía llimpia y modesta; que nun tenga la pasión del vinu, nin sía bien dormidora; que sía la so lleche puro y nutritivo. D'esta eleición que vas faer depende tola vida d'un fíu amáu.Una bona nodriza tien d'emplegar tolos intres nel cumplimientu de los sos deberes. Tien De consultar cola prudencia y non col so caprichu sobre les ocasiones en qu'hai de presentar el pechu a la criatura; asina ye como-y fortificará la salú. Tampoco ye menos necesariu qu'ella espere p'apurrise al suañu a que'l neñu deseye dormise.
Ten curiáu de que nun sía d'un humor griespo; tamién sentiría yo que llegara a mi noticia de que fora tatexa: tienes de procurar el que naciera en Grecia, nun sía que por imitación contraiga'l to fíu un acentu viciosu. Sobremanera que sía prudente na eleición de los sos alimentos, y que non coma, nin entá de los sanos, ensin muncho procuru.
Importa enforma que dempués de que les criatures atracáronse de lleche se los dexe dormir: esti prestosu descansu, indispensable a la so debilidá, fai la so dixestión más fácil. Si fuera absolutamente indispensable'l da-y dalgún otru alimentu, amás de la lleche de la so ama, alcuérdate de que tien de ser simple y llixeru. A mi paezme que'l vinu ye una bébora demasiadamente fuerte pa ellos; si diéres-y daqué, entemez-y a lo menos por que se avere a la suavidá de la lleche.
Yo non te aconseyaría que-y bañares tolos díes, va bastar de cuando en vez; porque ye bien esencial afaese al so temperamentu. Nin repares con menos atención cuál ten de ser l'aire qu'aliende'l to neñu. Que nun sía descomanadamente calorosu, nin tampoco bien fríu. La so habitación nun tien de tar nin bien zarrada, nin bien espuesta al vientu, nin l'agua que beba tendrá de ser demasiáu llixera, nin bien pesada.
Nun-y pongas unos pañales aspros nin pesaos, y sían bastante anchos por que puedan envolubra-y bien, pero non tantu que-y cafien. Tien De atendese siempres a la naturaleza; esta pide que se satisfaigan les sos necesidaes, pero ensin superficialidá nin magnificencia.
Creyí tener de date dende güei estos conseyos pa crianza física d'esi deseyáu fíu, espero date dalgún día otros correspondientes a la so educación.[6]
Referencies
editar- ↑ Clemente d'Alexandría, Stromata, iv. 19; Suda, Myia, Theano; Jámblico, Vida de Pitágores, 30, 36; Porfirio, Vida de Pitágores, 4
- ↑ Jámblico, Vida de Pitágores, 30; Porfirio, Vida de Pitágores, 4
- ↑ Luciano de Samósata, Aponderamientu de la mosca, 11.
- ↑ Ian Michael Plant (2004), Women writers of ancient Greece and London: an anthology, University of Oklahoma Press, p. 79.
- ↑ Mary Ellen Waithe (1987), A History of Women Philosophers.
- ↑ Marqués y Espejo, Antonio (1 de xineru de 1804). Viaxe d'un filósofu á Selenópolis, corte desconocida de los habitantes de la tierra (en castellanu). por Gómez Fuentenebro y Compañía, páx. 130-133. Consultáu'l 8 de xunu de 2016.
Datos: Q456560
