Celestín I
Celestino I (sieglu de IV, Roma – 27 de xunetu de 432, Roma) foi'l Papa nᵘ 43 de la Ilesia católica de 422 a 432.[3]
Celestín I![]() | |||
---|---|---|---|
![]() | |||
11 setiembre 422 - 26 xunetu 432 ← Bonifacio I - Sixto III → | |||
Vida | |||
Nacimientu | Roma, sieglu de IV | ||
Nacionalidá | Antigua Roma | ||
Muerte | Roma, 27 de xunetu de 432 | ||
Estudios | |||
Llingües falaes | llatín[1] | ||
Oficiu | sacerdote católicu, escritor | ||
Llugares de trabayu | Roma | ||
Santoral | |||
27 de xunetu | |||
Creencies | |||
Relixón | Ilesia Católica[2] | ||
![]() |
Biografía
editarFíu de Prisco, ciertes fontes lo emparentan col emperador Valentiniano III. Foi diáconu en Roma y, según la tradición, mientres un tiempu vivió en Milán onde conoció a San Antonio Abá.[ensin referencies].
Escoyíu papa por aclamación el 10 de setiembre de 422,[4] tuvo que faer frente a un variáu númberu de doctrines herétiques como'l nestorianismu, el pelagianismu, el donatismu, el maniqueísmu y el novacianismu y que remataron nos últimos díes del so pontificáu cola celebración del Conceyu d'Éfesu en 431, que supunxo la condena tantu del pelagianismu como del nestorianismu. Esta última doctrina, defendida pol patriarca de Constantinopla, Nestorio, dixebraba los dos naturaleces de Cristu y definía a María como Khristotokos (Madre de Cristu) pero non como Theotokos (Madre de Dios);
Nel citáu conceyu, Celestino tuvo representáu por Cirilo d'Alexandría quien defendió la unidá de los dos naturaleces de Cristu y que va sirvir de base nun futuru por que Eutiques ellabore la doctrina que va dar llugar al monofisismu.
Celestino I morrió'l 27 de xunetu de 432.
Referencies
editar- ↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.
- ↑ Afirmao en: Catholic-Hierarchy.org. Identificador Catholic Hierarchy de persona: celestin. Data de consulta: 18 ochobre 2020. Llingua de la obra o nome: inglés.
- ↑ «Pope St. Celestine I» (n'inglés), Catholic Encyclopedia, Nueva York: Robert Appleton Company, 1913, OCLC 1017058
- ↑ Tillemont, Louis Sébastien -y Nain de (1709). Memoires pour servir a l'histoire ecclesiaástique des six premiers siécles. Paris: Charles Robustel, páx. 14:148.
Enllaces esternos
editar
Predecesor: Bonifaciu I |
422-432 |
Socesor: Sixto III |