Bernard Hinault
Bernard Hinault (14 de payares de 1954, Yffiniac) ye un ciclista francés retiráu, que foi profesional ente los años 1975 y 1986.
Foi unu de los meyores de la historia d'esti deporte. Al igual que'l so compatriota Jacques Anquetil y que'l belga Eddy Merckx, cerró la so trayeutoria con cinco victories non consecutives nel Tour de Francia (años dempués, l'español Miguel Induráin convirtióse nel primeru n'encadenar los cinco ésitos).
Moteyáu Le Blaireau (El Melandru) y Caimán, apoderó'l panorama internacional ente'l final de los años 70 y la primer metá de los 80, ganando 216 carreres y convirtiéndose nel ciclista francés col meyor palmarés de tolos tiempos.
Llogró les victories absolutes nes trés Grandes Vueltes al ganar cinco Tours, trés Giros y dos Vueltes. Nos trés grandes rondes llogró un total de 41 victories d'etapa al consiguir 28 etapes nel Tour, 7 etapes na Vuelta y 6 etapes nel Giro.
Ente les sos principales victories, puede citase la de Liexa-Bastogne-Liexa en 1980 so la nieve, na qu'algamó la llinia de meta con más de nueve minutos de ventaya sobre'l segundu, l'holandés Hennie Kuiper.
La so medaya d'oru na prueba de fondu en carretera del Campeonatu del Mundu de 1980, completa una de les más brilloses carreres ciclistes de tolos tiempos.
La so última carrera foi'l 9 de payares de 1986, una carrera de ciclocrós mui cerca de Yffiniac. Ente los sos principales rivales, tienen de ser citaos l'holandés Joop Zoetemelk, el belxicanu Lucien van Impe, el portugués Joaquim Agostinho, y l'estauxunidense Greg LeMond.
Na actualidá[¿cuándo?] trabaya na organización del Tour de Francia.
Palmarés
editar
1976 1977
1978
1979
1980
|
1981
1982
1983
1984
1985
1986
|
Resultaos en Grandes Vueltes y Campeonatu del Mundu
editarCarrera | 1975 | 1976 | 1977 | 1978 | 1979 | 1980 | 1981 | 1982 | 1983 | 1984 | 1985 | 1986 |
---|---|---|---|---|---|---|---|---|---|---|---|---|
Giro d'Italia | - | - | - | - | - | 1ᵘ | - | 1ᵘ | - | - | 1ᵘ | - |
Tour de Francia | - | - | - | 1ᵘ | 1ᵘ | Ab. | 1ᵘ | 1ᵘ | - | 2ᵘ | 1ᵘ | 2ᵘ |
Vuelta a España | - | - | - | 1ᵘ | - | - | - | - | 1ᵘ | - | - | - |
Campeonatu del Mundu en ruta | - | 6ᵘ | 8ᵘ | 5ᵘ | 21ᵘ | 1ᵘ | 3ᵘ | Ab. | - | Ab. | Ab. | 59ᵘ |
-: nun participa
Ab.: abandonu
Reconocencies
editar- Mendrisio d'Oru (1979 y 1980)
- Nel añu 2002 foi designáu como unu de los ciclistes más destacaos de la historia, al ser escoyíu pa formar parte de la Sesión Inaugural del Cycling Hall of Fame de la UCI.
Referencies
editar- ↑ Afirmao en: GeneaStar. Identificador GeneaStar de persona: hinaultb. Apaez como: Bernard Hinault.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar- Bernard Hinault na Internet Movie Database (n'inglés)