شيوعيه
الشيوعيه فى الاساس هى نظام اجتماعى اقتصادى بتكون الملكيه فيه فى ايد المجتمع كله بالتساوى. فيه بتعتبر الشيوعيه (الماركسيه) تيار تاريخى من تيارات الشيوعيه و هو اللى من الفاضلين لحد دلوقتى.الأب الروحى للنظريه الشيوعية هو كارل ماركس و اشهر و اكتر واحد درس النظريات دى و ساهم فى تطورها و تطبيقها فى الحقيقه كان فلاديمير لينين. الشيوعيه ظهرت كمرحلة من مراحل التطور التاريخى للاشتراكيه, الشيوعيه شايفه انها امميه لكل البشر و ان الدول حتتلغى بالتدريج و تبقى فيه دوله واحدا شيوعيه بتجمع كل العالم..ظهرت الشيوعيه زى ما اتعرفت فى القرن العشرين بصدور البيان الشيوعى ( المانيفيستو ) اللى عمله كارل ماركس سنة 1848 ، و انتشرت الشيوعيه الماركسيه بتأسيس الدوليه الأولى و ظهور الأحزاب الديمقراطيه الاشتراكيه, فى اوروبا. انتصرت الشيوعيه فى روسيا فى سنة 1917 بعد الثوره البلشفيه و اتكون بعدها الاتحاد السوفييتى و العمل على دوله عالميه اشتراكيه على مبادىء لينين . بعد الحرب العالميه التانيه سيطرت الشيوعيه على بلاد البلطيق و بولندا و تشيكوسلوفاكيا و المجر و رومانيا و بلغاريا و ببعض التحفظات يوجوسلافيا و انضمت الصين الشعبيه سنة 1950 و كوبا و اجزاء تانيه من العالم. فى ناس اعتبروا ان الشيوعيه بتعتبر انهزمت بعد تفكيك الاتحاد السوڤييتى و حتموت , بس افكار الشيوعيه لسه موجوده و بتأثر جامد لحد دلوقتى.
فلسفه سياسيه  |
|
مدارس الشيوعية |
|
' |
|
مواضيع ليها صلة |
|
شيوعيين مشهوريين |
| بوابة السياسة |
الشيوعيه الاولى
فى مثقفين كتار بيقولوا ان افكار زى الشيوعيه ظهرت فى التاريخ القديم, اشهرها كانت افكار الفيلسوف افلاطون اللى اقترح ان ملكية البيوت تكون فى ايد طبقه مثقفه ، فبكده مايكونش فيه صراع بين الطبقات الأقل على ملكية العقارات ، و فى كتابه " الجمهوريه " دعا لعمل مجتمع شيوعى تكون فيه الناس متساويه فى المجتمع.
|
|
| كارل ماركس و فريدريك انجلز ، مؤسسيين الماركسيه | |
- شوف الماركسيه
افكار الشيوعيه اللى نعرفها دلوقى بترجع لافكار كارل ماركس و فريدريك انجلز اللى مثلوا الشيوعيه كحركه ثوريه , بس مش من الضارورى انها تظهر فى مكان معين فى العالم بس من الممكن انها تطلع فى كل مكان فى العالم حسب الكلام اللى كتبوه فى البيان الشيوعى ,(المنافيستو الشيوعى), و هما بيوصفوا الشيوعيه.ماركس و انجلز فى الكتاب دا بيوصفوا التاريخ بحلوه و مره بانه طول عمره صراع بين طبقات المجتمع , وان فى كل مجتمع حنلاقى ان فيه طبقه صغيره بتشرف و بتتحكم على عمليه الانتاج و الاغلبيه العظمى من الطبقات مش فى ايدها حاجه او فى ايدها جزء صغير فى التحكم فى الانتاج. فى الوقت دا فى سنة 1848 كانت الراسماليه ظهرت و فى قوتها, كان ماركس شايف انها بتتحكم فى الاقتصاد بشكل مش عادل و انها بتساعد طبقات على حساب طبقات تانيه. ماركس كان شايف ان طبقة البورجوازيين بتستغل العمال و الطبقه الكادحه و بيشغلوا العمال ساعات كتيره و بيدوا لهم مرتب بسيط و بعدين يبيعوا للعمال المنتاجات اللى العمال بينتجوها فيكسبوا ارباح كتيره و يتغنوا و العمال تشتغل اكتر و تفتقر. كان شايف ان طبقه الپروليتاريا و العمال و الكادحين حيقوموا و يشيلوا على اصحاب المصانع و المحلات و حيقسموا الثروه بينهم و حيشيلوا البورجوازيين من تقسيم الارباح , للتفاصيل شوف مقاله الماركسيه
شيوعيه لينين
بيعتبر لينين هو اول من طبق نظريات ماركس الماركسيه و نجح فى الواقع. لينين درس نظريات ماركس و طبقها و زود عليها كمان لما سيطر على الحكم فى روسيا بعد الثوره البلشفيه اللى قادها. لينين كان شايف ان لازم يحصل حل ثورى لتطبيق الشيوعيه. افكار لينين فى الشيوعيه بتعتبر افكار للتطبيق و التنفيذ معتمده على افكار كارل ماركس. لينين عمل مذهبه الشيوعى اللينينيه و الماركسيه-لينينيه, اللى واخدا افكار الماركسيه و طريقة و افكار لينين فى التنفيذ. اغلب الاحزاب الشيوعيه بتستخدم الطريقه دى.
مدارس شيوعيه-ماركسيه
هى الرؤيه الشيوعيه الاشتراكيه اللى اعتمدها الاتحاد السوفييتى وماشى بيها وأغلب الأحزاب الشيوعيةلحد دلوقتى ماشيه بيها. الماركسيه-لينينيه بتقول ان ممكن الشيوعيه تتعمل عن طريق برنامج تصنيعى و اجتماعى كبير حيساعد على تطور الدوله و الشيوعيه. مع ان الاتحاد السوفييتى اتفكك بس فيه لحد دلوقتى احزاب بتطالب بالافكار دى و تطور الدوله الاشتراكيه المركزيه.بتعتبر مزيج من افكار كارل ماركس و لينين.
هي إشارة للنظام السياسى للاتحاد السوفييتى تحت حكم جوزيف ستالين.بتقوم على خطه خمسايه عشان تسرع عمليه التصنيع و ربطت الماركسيه-لينينيه بالقوميه الروسيه. بتقوم كمان على زيادة المتناقضات كل ما التقدم فى البناء الاشتراكى يزيد و بتمنع وبتقمع المعارضيين السياسيين و مش بتسمح لوجودهم من اساسه.
هي افكار ليون تروتسكى اللى كان معارض لافكار الستالينيه و لجوزيف ستالين. اتنفى ليون تروتسكى بره الاتحاد السوفييتى و اسس الامميه الرابعه و استخدمت افكاره فى ثورات امريكا الجنوبيه و انتشرت افكاره فى البلاد المتقدمه فى اوروبا و امريكا.
- الماويه
اتجاه تبع الماركسيه-لينينيه مرتبط بماو تسى تونج اللى قاد الثوره الشيوعيه فى الصين.
- التيتويه
ائسسها تيتو رئيس يوجوسلافيا و بتقوم ان كل بلد بتبقى عندها وسائل خاصه و طرق عشان تحقق الشيوعيه و مفيش طريقه واحدا و الافكار و الطرق اللى مشت مره مع بلاد و الاتحاد السوفييتى مش لازم تمشى مع دول تانيه.
- اللوكسمبورجيه
بتركز على كتابات و افكار روزا لوكسيمبورج , اللى بتقول ان الديموقراطيه المركزيه مش ديموقراطيه حقيقه و انتقدت و هاجمت افكار لينين و ليون تروتسكى.
