العشره المبشرين بالجنه
العشره المبشرين بالجنه دا مصطلح بيوصف عشره من الصحابه بشرهم النبى محمد (صلى الله عليه وسلم) بدخول الجنه, بحسب اهل السنه و الجماعه, الصحابه دول هما اكتر الصحابه المشهوريين و المعروفيين و فيهم اللى اتعرفوا بعد كدا بـ الخلفاء الراشدين.
الرأى السنّى
بالاستناد للروايات , المسلمين اللى على مذهب اهل السنة و الجماعة بيحطوا عشر اشخاص بيؤمنوا انهم إتوعدو بالجنه و هما عايشين. اول 4 منهم معروفين بإسم ”الراشدين“ (الخلفاء الراشدين). و بيعتمدوا على أحديث زى الحديث اللى رواه عبد الرحمن بن عوف:
"عن النبي أنه قال: «ابو بكر فى الجنة، وعمر فى الجنة، وعثمان فى الجنة، وعلي فى الجنة، و طلحة فى الجنة، و الزبير فى الجنة، و عبد الرحمن بن عوف فى الجنة، و سعد بن ابي وقاص فى الجنة، و سعيد بن زيد فى الجنة و ابو عبيدة بن الجراح فى الجنة»"[1][2][3][4][5]
| الاسامى | الميلاد (قبل الهجره) | الموت (هجرى) | ميلاد م. | الموت م. |
| ابو بكر الصدّيق | 51 | 13 | 573 | 634 |
| عمر بن الخطّاب | 40 | 23 | 584 | 644 |
| عثمان بن عفّان | 47 | 35 | 577 | 656 |
| على بن ابى طالب | 23 | 40 | 600 | 661 |
| الزبير بن العوام | 28 | 36 | 596 | 656 |
| طلحه بن عبيد الله | 28 | 36 | 596 | 656 |
| عبد الرحمن بن عوف | ? | 31 | ? | 654 |
| سعد بن ابى وقاص | 23 | 55 | 600 | 675 |
| ابو عبيده بن الجراح | 40 | 18 | 584 | 640 |
| سعيد بن زيد | ? | 51 | ? | 672 |
الرأى الشيعى
الشيعه مش مؤمنين بالمفهوم ده و استنتجوا ان الفكره إتبنت على احاديث متفبركه وقت العصر الاموى, إتزورت عشان اسباب سياسيه عشان تعلّى خصوم اهل البيت. على اى حال, فى مقابل الكلام ده, ”على بن ابى طالب رضي الله عنه“, اول امام لأهل البيت, فى الحقيقه, إتذكر فى الليسته, و من كده زى ما يمكن بيقول عكس الرأى ده.
البحث التاريخي
الباحثين فى التاريخ زي حسن المالكي و غيره ، بينفوا رواية العشرة المبشرين بالجنة و بيقولوا انها لسته للعشره المرشحين للخلافه ، لانها لسته عنصريه و خياليه اختصرت الجنه للرجاله من غير الستات ، و لقبيلة قريش من غير باقي الصحابه من قبايل تانيه.
المصادر
- ↑ رواه الترمذي في سننه عن عبد الرحمن بن عوف، رقم: 3680.
- ↑ رواه ابن حجر العسقلاني في كتابه تخريج مشكاة المصابيح، عن عبد الرحمن بن عوف، ج5، ص436.
- ↑ رواه السيوطي في كتابه الجامع الصغير، رقم: 73، عن عبد الرحمن بن عوف وسعيد بن زيد، وقال عنه: صحيح.
- ↑ رواه أحمد بن حنبل في مسنده عن عبد الرحمن بن عوف، ج3، ص136، وصححه أحمد شاكر.
- ↑ رواه النسائي في كتابه السنن الكبرى عن عبد الرحمن بن عوف وسعيد بن زيد، رقم:8193، و8194.