لعرب
لعرب (ب لعربية العرب) و هوما شعب سامي من شعوب لي كتهضر لوغة من لوغات سامية و كيعيشو ف بلاصة سياسية لي كتسمى "لبلدان لهاضرة ب لعربية" بالضبط ف الشرق لأوسط و شمال افريقيا
![](http://upload.wikimedia.org/wikipedia/commons/thumb/4/42/Ethnic_Arabs_Map.gif/220px-Ethnic_Arabs_Map.gif)
تاريخ نتاع لعرب قبل لإسلام شوية ضيق و ما فيهش شي توتيق بزاف بسبب انه لعرب ما كانوش شعب كيعتامدو على لكتابة و تدوين و كان طابع نتاع لعيش ديال لعرب هو بدوي و كتمتد لغتهم ف منطقة لي كتسمى " شبه لجزيرة لعربية "
اغلبية نتاع لمصادر لي كتهضر على تاريخ لعرب قبل لإسلام هوما مصادر إسلامية و لكن كاين شي مصادر من غيرها قديمة من لبيزنطيين و حتى لفرس منهم لغساسنة لي كانوا عرب تحت سيادة لبيزنطيين و لمنادرة ف لعراق لي كانوا تحت سيطرة لفرس
لفترة تاريخية نتاع لعرب قبل لإسلام بزاف لي كيسميوها " لجاهيلية " حيتاش كانوا شعب وتني و كاين كيعيش ف تقافة لي فيها عادات لا انسانية بحال دفن لبنات حيين و لحروب بين لقبايل
لإسلام غا يدير واحد تحول كبير ف تقافة نتاع لعرب و تاريخ نتاع لعرب حيتاش غا يخليهم يخرجو من لحالة لبدوية و لمنعزلة لي كانوا فيها ل بناء نتاع أكبر قوة عسكرية ف ديك لوقت حيتاش مور وفاة نبي محمد غا يبداو ف توسع على حساب لأراضي تحت اسم خلافة راشدة و غا ياخدوا بزاف نتاع لأرض من لبيزنطيين و غايطيحو لفرس و موراها فتح لمصر حتى لشمال افريقيا حتى لأندلوس عام 711 ، فهاد الفترة هادي غا تبان دولة لأموية لي كانت نوعا ما واحد دولة قومية عربية و لي خلات العرب يتميزو بزاف و يكونو مواطنين من درجة لولة عكس شعوب لأخرى لي كانت تحت سيادة ديالهم بحال لفرس و لأمازيغ
![](http://upload.wikimedia.org/wikipedia/commons/thumb/c/c9/Umayyad_Caliphate_720_AD_%28orthographic_projection%29.svg/220px-Umayyad_Caliphate_720_AD_%28orthographic_projection%29.svg.png)
- تمركزات بزاف نتاع لقبايل لعربية فهاد الفترة ف شبه لجزيرة لعربية و شام و لعراق و حتى ف مصر و لأندلوس و لكن واخا هكاك كانت حالة لعرب ف هاد لفترة متقلبة بين ضعف و بين لقوة شي مرات حيتاش مع طلع نفود نتاع لأعاجم و لا لي ما كيهضروش لعربية بحال ديلم و لفرس و ترك هادشي خلا لعرب يغيبو بعض المرات من بلايص لقيادية ف لمشرق
- و بانت حتى ف لقرون لوسطانين هجرات نتاع شي عرب لشمال افريقيا و لمغريب منهم بنو هلال و بنو سليم و بنو معقل
- ف لأندلوس كان لعرب دور كبير ف ظهور بعض لفئات لمستعربة و هادشي خلا يبان حتى شي لهجات لي مخلطة بين لعربية و صبليونية لي كتسمى ب لموزرابية
![](http://upload.wikimedia.org/wikipedia/commons/thumb/0/07/Al-Andalus-ar.jpg/220px-Al-Andalus-ar.jpg)
سيطرو لعتمانيين على بزاف ديال لبلايص لي كتهضر لعربية او لي ساكنينها لعرب بحال مصر و شام و تونس و لعراق و حتى لحجاز و بقاو لعتمانيين حاكميين هاد لبلايص لمدة نتاع 500 عام و ف لأواخر نتاع هاد لفترة تعرضو لعرب لواحد تمييز كبير لي داروه لعتمانيين ضدهم و تسمات هاد سياسة ب " تتريك " و هادشي لي خلا تبان بزاف نتاع تورات و لي منها تورة لعربية لكبرى ضد لعتمانيين
فهاد الفترة هادي و مور ما دازات لمرحلة لعتمانية و خرج لإستعمار لؤروبي هادشي كان لبداية نتاع انشاء ديال اتحادات عربية و منظمات و بانو حتى قوميين و كتاب و ادبيين كيروجو لفكرة نتاع لوحدة لعربية من لعراق حتى لموحيط لأطلاسي و بانو حتى سياسيين كبار من بزاف نتاع دول ف منطقة نتاع شمال افريقيا و شرق لوسطاني روجو لهاد لفكرة هادي و بقوة و حاليا جامعة دول لعربية داخل فيها 22 دولة و بانت ف مارس 1945 ف مدينة نتاع لقاهرة ف مصر
![](http://upload.wikimedia.org/wikipedia/commons/thumb/b/b0/Emblem_of_the_Arab_League.svg/220px-Emblem_of_the_Arab_League.svg.png)
لعربية هي لوغة لي كيهضرو بيها لعرب و فيها بزاف نتاع لهجات مع اختلاف نتاع لبلايص و دول و كاين حتى لوغة لعربية لفصيحة جديدة لي هي لغة رسمية و لكن ما كيخدموش بيها ف لحياة لعامة حيت كاين لهجات كتيرة
![](http://upload.wikimedia.org/wikipedia/commons/thumb/6/65/Arabic_Varieties_Map-2023.svg/220px-Arabic_Varieties_Map-2023.svg.png)
منها لهجات نتاع لخليج و لهجات لمغاربية لي منهم دارجة و لهجة لحسانية و لحجازية و بزاف كاين و كل واحد فيهم عندو طابع ديالو خاص
لعرب هوما اغلبية ديالهم مسلمين منهم السنة و شيعة و كاين أقليات نتاع المسيحيين و كاين حتى شي ديانات اخرى بحال صابئة و لأيزيدية و لبهائية و تاريخيا كانوا لعرب كيتبعو وتنية محلية كيعبدو فيها الهة بحال اللات و لعزى و كاين بعض منهم كان يهودي
![](http://upload.wikimedia.org/wikipedia/commons/thumb/d/d9/View_of_the_courtyard_of_the_Great_Mosque_of_Mecca%2C_Saudi_Arabia_%282%29.jpg/220px-View_of_the_courtyard_of_the_Great_Mosque_of_Mecca%2C_Saudi_Arabia_%282%29.jpg)