Farad
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/c/c8/Capacitors_Various.jpg/220px-Capacitors_Various.jpg)
O farad (simbolo: F) ye a unidat de capacitancia electrica d'o Sistema Internacional d'Unidaz (SI), clamada asinas en a honor d'o fisico britanico Michael Faraday.
Definición
[editar | modificar o codigo]O farad se define como a capacitancia d'un dielectrico que produz una diferencia de potencial d'un volt con una carga electrica estatica d'un coulomb. En unidaz d'o SI se puet representar como s4 · A2 · m−2 · kg−1. Com l'ampere ye una relación entre o fluxo de corrient electrica d'un coulomb por segundo, una definición alternativa d'o farad sería a d'un ampere-segundo de carga a un volt. Asinas tenemos:
Explicación
[editar | modificar o codigo]Como o farad ye una unidat muit gran, en comparanza con os requerimientos habituals d'os dispositivos electronicos, a valura d'un condensador s'expresa a ormino en microfarads (μF), nanofarads (nF), u picofarads (pF). O milifarad no se gosa emplegar en a practica, asinas una capacitancia de 4,7−3 F se gosa representar como 4700 µF. As capacitancias muit chicotas, como as que s'emplegan en os circuitos integraus gosan espresar-se en femtofarads (un femtofarad ye igual a 1−15 F). En o caso d'os supercondensadors a capacitancia plega en l'orden d'os kilofarads.
No s'ha de confundir o farad con o faraday, una antiga unidat de carga desplazada hue por o coulomb.
A inversa d'a capacitancia se clama elastancia, y en unidaz d'o SI s'espresa en F−1, pero de traza no estandard de vegadas recibe o nombre daraf (farad escrito de revés).
Un condensador consiste en dos superficies conductoras, por un regular clamadas placas, deseparadas por una capa aislant, dita dielectrico. O primer condensador estió a botella de Leyden en o sieglo XVIII. L'acumulación de carga entre as placas constituye a capacitancia. Os condensadors modernos se fabrican con gran variedat de materials y tecnicas ta ufrir buena cosa de valuras de capacitancia, dende femtofarads dica o farad, con valuras de voltache d'entre pocos volts dica bels kilovolts.
Multiplos
[editar | modificar o codigo]Multiplo | Nombre | Simbolo | Multiplo | Nombre | Simbolo | |
---|---|---|---|---|---|---|
100 | farad | F | ||||
101 | decafarad | daF | 10−1 | decifarad | dF | |
102 | hectofarad | hF | 10−2 | centifarad | cF | |
103 | kilofarad | kF | 10−3 | mil·lifarad | mF | |
106 | megafarad | MF | 10−6 | microfarad | µF | |
109 | gigafarad | GF | 10−9 | nanofarad | nF | |
1012 | terafarad | TF | 10−12 | picofarad | pF | |
1015 | petafarad | PF | 10−15 | femtofarad | fF | |
1018 | exafarad | EF | 10−18 | attofarad | aF | |
1021 | zettafarad | ZF | 10−21 | zeptofarad | zF | |
1024 | yottafarad | YF | 10−24 | yoctofarad | yF |