Vello pubico

La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se denomina vello pubico a lo vello corporal localizau en l'aria chenital d'os sers humans adultos, situau arredol d'os organos sexuals, a forcacha y, a vegadas, en a parti superior de l'interior d'as garras. Popularment tamién se diz peluza.^[1]

Encara que ya dende l'infancia se troba present de traza tasament perceptible, ye mientres a pubertat cuan, como respuesta l'augmento d'os livels d'androchens en os varons y estrochens en as mullers, adquiere a suya longaria, densidat, grosor y farcha caracteristicas, si bien istos pueden variar sensiblement d'unas personas a atras. Lo vello pubico constituye una caracteristica sexual secundaria.

En a mayoría d'as culturas antigas, a suya eliminación, sobre tot entre as mullers, se consideraba como un sinyal d'hichiene y pureza. Tamién en amplas redoladas d'Europa, America y Oceanía, a suya exhibición en publico gosa estar considerada de mal gusto, lo que ha levau dende as anyadas de 1990 d'o pasau sieglo XX a la depilación parcial u total d'o mesmo, pa lo que se fan servir diferents tecnicas.

As caracteristicas d'o vello pubico asinas como o feito de que iste se desembolique mientres a pubertat han levau a cualques antropologos a sucherir que se tracta d'un ornamento sexual prebablement relacionau con a transmisión de feromonas sexuals, atractivas pa lo sexo oposau.^[2]

Seguntes senglos estudios d'as universidaz de Columbia y California (Estaus Unius), o vello pubico mantiene amás una temperatura constant en a redolada chenital, previniendo lo desembolique de bacterias, priva que estas penetren en l'aria vachinal (lo que no explicaría la suya existencia en os varons) y minimiza o rozamiento que se produz entre a piel y a ropa.^[3]

Referencias

↑ (an)/(es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.542
↑ (es) ¿Por qué los seres humanos tenemos vello púbico? en abc.es
↑ (es) ¿Por qué nos crece vello púbico? en bbc.com

Datos: Q54795
Multimedia: Pubic hair / Q54795

[1] (an)/(es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.542

[2] (es) ¿Por qué los seres humanos tenemos vello púbico? en abc.es

[3] (es) ¿Por qué nos crece vello púbico? en bbc.com

[1]

[2]

[3]