Joseph Deniker
Plantilla:Infobox famosos Joseph Deniker (6 de marzo, 1852, Astraján – 18 de marzo, 1918, Paris) estió un antropologo e naturalista franzés, millor conoxito por desembolicar un mapa europeyo de razas umanas prou detallato.
Deniker ye naxito en 1852 de padres franzeses en Astraján, (Tartaria, Rusia). Primero estudeyó en o estituto tecnico de San Petersburgo, on se fazió incheniero, e con esta profesión podió biachar a saber-lo de begatas ta os destritos petroliferos d'o Caucaso, ta Europa Zentral, ta Italia e Dalmazia. S'establió en París en 1876, estudeyó en a Sorbona e se doctoró en zenzias naturals en 1886. En 1888 lo nombroron librero cabo d'o Museu d'Istoria Natural de París.
Deniker esdebinió uno redactors cabos d'o "Dizionario de Cheografía Unibersal", e publicó muitos articlos en publicazions d'antropolochía e zoolochía de Franzia. En 1904 lo Reyal Estituto d'Antropolochía de Gran Bretala lo conbidó a rezibir a lectura memorial de Huxley. Ye muerto en París en 1918.
O sistema de clasificazión de Deniker
Os mapas complicatos de clasificazión razial d'Europa feitos por Deniker, que a begatas se'n cuentan més de 20, que encara son una referenzia pa muitos, iluestran os estremos d'una clasificazion arbitraria. A finals d'o sieglo XIX e prinzipios d'o sieglo XX Deniker tenió un amplo debate con atro cartografo razial, William Z.Ripley, sopre a naturaleza u conzeuto de raza e lumero de razas. En ixos tiempos, Ripley manteneba que en Europa i eba 3 bases razials, mientres que Ripley manteneba que Europa en teneba 10, (6 razas primarias con 4 sozrazas u sozdibisions de belunas d'ixas 6). As razas primarias pa Deniker yeran: nordica, atlantomediterrania, oriental, dinarica, iberoinsular, norozidental, bistulana e sozadriatica.
![](http://upload.wikimedia.org/wikipedia/commons/thumb/9/9b/Deniker%27s_Races_de_l%27Europe_%281899%29.jpg/250px-Deniker%27s_Races_de_l%27Europe_%281899%29.jpg)
A contribuzión més duradera de Deniker en o campo d'as clasificazions razials ye a designazions de bels nomes como iberoinsular (on ye a mayor parte d'a poblazión aragonesa), atlantomediterrania e nordica. Encara que Deniker no estió supremazista razial referito a lo norte d'Europa, bellas presonas como Madison Grant, que si que lo'n yeran emplegoron o conzeuto de raza nordica pa creyar a teoría Nordica, tioría pseudozentifica que interpreta a la raza nordica como o motor prenzipal d'a zebilizazión ozidental. Madison Grant prenió o modelo simplicato de Ripley de tres bases razials p'os europeyos, pero cambeyó o termin Teutón de Ripley por o termin nordico de Deniker, adautato de raza nordica, e promobió ixa categoría en a suya cherarquía razias de la suya teoría pseudozentifica d'as decadas de 1910 e 1920.
Deniker notó que o conzeuto de raza yera prou confuso e proposó cambeyar-lo por o conzeuto de grupo etnico, que lo prenioron dimpués Julian Huxley e Alfred C. Haddon. Ripley argumentó que a ideya de raza de Deniker abría de clamar-se tipo, car no ye tan zarrato como o termin de raza e s'amana t'a custión d'a raza.
Obras selezionatas
- Recherches anatomiques et embryologiques sur les singes anthropoides (1886)
- Etude sur les Kalmouks (1883)
- Les Ghiliaks (1883)
- Races et peuples de la terre (1900)
- The races of man: an outline of anthropology and ethnography (1900)
Referenzias
- Arthur Keith and Alfred C. Haddon, "Obituary: Dr. Joseph Deniker" Man 18 (May 1918): 65-67.
- Ashley Montagu, "The Concept of Race," American Anthropologist 64:5 (October 1962): 919-928.