Linia Salpa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Recorrito d'a Salpalinja.

A Linia Salpa (Salpalinja en finés, literalment a linia cerrullo) u Suomen Salpa en o suyo nombre oficial, estió una linia de fortificacions militars esfensivas en a muga este de Finlandia con a Unión Sovietica mientres a Segunda Guerra Mundial. A linia se construyó en o periodo clamato Gran Tregua, ye decir, entre a Guerra d'Hibierno y a Guerra de Continación.

A Salpalinja teneba 1.200 km de largaria dende o golfo de Finlandia en a mar Baltica dica Petsamo, en o norte de Finlandia, en l'Oceano Arctico, encara que no s'emplegó, porque a ofensiva final de l'Exercito Royo en 1944 contra Finlandia se frenó en a Linia VKT en l'istmo de Carelia. Sindembargo, as fortificacions d'a Linia Salpa yeran mas poderosas que as esfensas d'a Linia Mannerheim.

A suya construcción

As obras en 1940-1941

Dimpués d'a rendición de Finlandia a l'Unión Sovietica en a Guerra d'Hibierno y a signatura d'o Tratato de Moscú, que cedeba bels territorios a la Unión Sovietica, se prencipió a construcción d'a Linia Salpa, ta protecher as suyas mugas de posibles nuevos ataques.

Os primeros treballadors d'as obras esfensivas d'a Linia Salpa estioron voluntarios, encara que dimpués reclutoron a hombres no aptos ta o servicio en o frente. En a primavera de 1941 yeran un maximo de 35.000 treballadors.

A Guerra de Continación

O 22 de chunio de 1941, o Tercer Reich d'Adolf Hitler invadió a Unión Sovietica (Operación Barbarroya), y o 25 de chunio o Gubierno finlandés de Gustav Mannerheim declaró tamién a guerra a la URSS y se convertió de facto en aliata d'as Potencias de l'Eixe, encara que ta os finlandeses estió a Guerra de Continación.

Os treballos de construcción s'aturoron, y se retiró l'armamento de blockhaus y bunkers ta o suyo ninvío ta o frente.

Reinicio d'os treballos en 1944

En 1943 a Wehrmacht sofrió a redota en a batalla de Stalingrado, y en 1944 l'Exercito Royo lanzó ofensivas continas contra os alemans. Asinas, os finlandeses decidioron de reemprender a construcción d'a linia, dica a fin d'a Guerra de Continación que plegó con l'armisticio d'o 4 de setiembre de 1944.

Caracteristicas

Os elements d'a linia esfensiva yeran: 728 obras de cimento, 315 km d'arambratas, 225 km de barraches anticarro, 130 km de fosos anticarro, mas de 3.000 fortificacions, 254 refuchios d'infantería de cimento, trincheras, pozos de tirador...

O suyo armamento yera variato, mesmo con morters d'artillería de costa de 7 y 9 pulgadas d'o sieglo XIX.

En a linia esfensiva preneban parte as zonas d'almarchal, os lagos y d'atros obstaclos naturals, en una rechión que en tien a-saber-los.

As tropas de guarnición yeran a sobén soldatos d'a Reserva, y no pas tropas de linia.

Historial belico

A Linia Salpa no fue atacata por l'Exercito Royo, que fue aturato en o suyo abance antis de plegar t'a Linia. Sindembargo, a existencia d'ista linia esfensiva estió important ta protecher as posicions d'o Gubierno finlandés en as conversacions de paz con os Aliaus.

• 
  Metralladora en o suyo bunker.
• 
  Obstaclos anticarro en Miehikkälä
• 
  Recorrito d'a linia entre o lago Saimaa y o golfo de Finlandia. En o mapa bi ha tamién as linias VT y VKT.
• 
  Obstaclos anticarro a man d'o lugar d'Aholanvaara, rechión de Salla
• 
  A mesma zona.

Vinclos externos

• (fi) Museu d'a Linia Salpa.
• (ru) A Linia Salpa en a web d'a fortaleza norte.

• Datos: Q164333
• Multimedia: Salpa Line / Q164333