Idioma serbio

Idioma serbio u idioma serbo (en serbio српски језик/srpski jezik) ye a denominación que recibe oficialment a variant estandalizada d'o continuum dialectal serbocrovate que fan servir os serbios en Serbia, Bosnia y Herzegovina, Montenegro, Macedonia d'o Norte, Rumanía, Croacia y atros estaus mugants. Ye a luenga oficial de Serbia y una d'as luengas oficials de Montenegro y de Bosnia y Herzegovina.

O standard serbio se basa sobre tot en a parla d'Herzegovina, que fa part d'o dialecto štokavián, a l'egual que os standards d'as "lenguas" crovata, montenegrina y bosniaca, tamién denominacions locals de variants estandarizadas d'o serbo-crovate. Muitos d'os parlants nativos no son comodos con a denominación "serbo-crovate" y prefieren as denominacions relativas a las nacionalidatz a las que perteneixen. O idioma serbio ye una luenga eslava meridional que s'escribe tanto en alfabeto cirilico como en alfabeto latín con uns diacriticos ampraus d'o checo.