Wikipedia:Neutralidat d'o punto d'anvista

	Ista pachina amuestra uno u mes d'os prencipios fundamentals que definen a naturaleza d'a Biquipedia. Istes prencipios, comuns ta totas as wikipedias, son a priori immutables, intanchibles y no pas negociables. S'expresan en as normas y recomendacions adoptatas per a comunidat d'es contribuidors.
	Anque ye de tot posible modificar ista pachina, s'aconsella encareixitament d'emplegar a suya pachina de descusión u A Tabierna antes de fer garra intervención, per chicota que sía.

O procheuto d'a Biquipedia pretende agüespar as conoixenzias umanas sopre respeutibes á toz es temas posibles. Agora, tammién bi ha prou temas sopre es cuals bi ha seberas opinions posibles e talment contradiutorias d'entre eras. Per ixo, ye important que toz es puntos d'embista amostratos en a nuestra Wikipedia sían neutrals. Isto quier dezir que cal desponer es temas d'a manera més obcheutiba posible, mirando de describir d'una manera ecuánime toz es puntos d'embista. Ixo ye important sopre tot cuan s'han de tratar temas confliutibos, sían sopre politica, nazionalismo, relichión, etz. Cal ebitar prener parti per garra d'as opzions en confliuto.

Consellos utils

Aconseguir un punto d'embista neutral (PEN) no ye pas fazil. Bels consellos prauticos:

1. Miraz d'enzatar es articlos con datos comprobables: midas, calendatas istoricas, etz.
2. Dixaz clatero qué cosa ye un feito azeptato, e qué cosas no están si que opinions, creenzias u hipotesis no contrastatas. Ta fer l'ixemplo, podemos dezir l'Ombre plegore ent'a luna en o 1969, pero no podemos nunca dezir d'ixa traza Abioren un complot d'a CIA ta matar Kennedy. Prou ha d'estar que dezinos XXX sostién que ra CIA teniore un complot ta matar á Kennedy.
3. En el respeutibe d'opinions e puntos d'embista:
   1. Cal ebitar opinions personals.
   2. Cal zitar as fuents de cualsiquier cosa que s'aiga dita, mirando siempre que sían prou solbents.
4. Miraz de replegar toz es puntos d'embista posibles sopre d'un tema. De totas trazas, pensaz que somos replegando una conexenzia que ye per l'usual cheneral, e bien azeptada. Por tanto, no tos trobez obligatos á dar guaire importanzia á teorías alternatibas que tiengan prozedenzia dandaliosa. Ta l'ixemplo, a comunidat zentifica ye tota d'aucorde que ra SIDA ye causada per un birus. Bi ha encara chent que sostién altras teorías més pseudozentificas, e ixo se puet comentar, pero no se l'ha de dar a mesma importanzia que t'a bersión zentifica, e ixo ha de quedar clatero en rematar.
5. Se sopre un tema bi ha dibersos autors que discrepan sopre un tema, cal ebitar una guerra d'edizions. Millor ye charrar-ne respeutibe á ra descusión de l'articlo e consensuar ixa redauzión d'entre toz.
6. Miraz de no emplegar a Biquipedia ta estendillar as buestras opinions sopre temas de politica, soziedat, relichión, esporte etz. Se beyez que no en podez ebitar cosa, miraz de colaborar en altros temas no tan polemicos u sopre aquers á on que no bi síaz imbolucratos.
7. Recordaz que garra Wikipedia no ye pensada ta fer propaganda de busaltros, ni de garra empresa, asoziazión, entidat, etz.

Qué cal fer si me trobo bel articlo no neutral?

1. Primer que tot, tos fez seguros que l'articlo no ye neutral de tot.
2. Se l'articlo no contién si que propaganda, insultos, difamazions, a millor cosa ta fer-ne ye borrar-ne o contenito e ficar-be a plantilla {{destruyir}}. A pachina estará inmediatament afechata ent'a lista d'articlos pendients d'estar borratos, e alabez, bel almenistrador s'ocupará de fer-la desaparixer.
3. Cuan o problema ye que belún bi ha meso una opinión personal, talment malintenzionada, u cuan ye menos malbersadora, mirais d'arreclar-lo per a buestra man, parando cuenta á toz es momentos que no estais fendo garra estralada. No s'ha de cambear nunca o punto d'embista d'altra persona per l'uno propio.