Serranía de Cucalón
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La serranía de Cucalón ye un conchunto de sierras de la branca aragonesa de lo Sistema Iberico que s'estiende una distancia de 25 km dende Fuent Buena dica Segura de los Banyos y Vivel.
Lugars que bi ha en la serranía de Cucalón u la suya redolada son Allueva, Badenas, Beya, Collado de Per Esteban, Collados, Fuent Buena, Fuent Frida, Godos, Lanzuela, Lagueruela, Loscos, Mezquita de Loscos, Mont-fort, Nogueras, Nueros, Olalla, Perafita, Rudiella, Salcediello, Santa Cruz de Nogueras, Segura de los Banyos, Torreciella, Villanueva del Rebollar y Vivel.
La suya cima mes alta ye l'alto de Pelarda (1.509 m), seguiu de La Retuerta (1.492 m) y la Modorra de Cucalón con 1.478 metros d'altaria.
Hidrolochía
editarLos ríos Uerba y Martín naixen en la serranía de Cucalón y la desauguan. Lo río de Barrachina, reculle auguas de las vertients sudueste de la serranía de Cucalón antes de cayer en Xiloca.
Abundan las calsineras de lo Cretacio con capuzamiento enta lo sudueste y cabalgando a los sallagons y chesos de lo Triasico de Perafita.
L'oronimo "sierra de Cucalón" s'ha iu cheneralizando a costa de los nombres de las atras sierras en ambients academicos a zaguers de lo sieglo XX. A primers de lo sieglo XVII lo portugués João Baptista Labanha feba mención de las sierras de Badenas, Orich y Pelarda pero no de la de Cucalón. En la baixa Edat Meya bi ha mencions a unas sierra de Badenas pero no a garra sierra de Cucalón.
Sierra de Badenas
editarLa sierra de Badenas ye un conchunto de cabezos de materials paleozoicos y triasicos que bi ha en la serranía de Cucalón a lo nord-este de lo sulco erosivo de Collado de Per Esteban y Perafita, a on que naixen los ríos Camaras y Nogueta. Los materials paleozoicos d'esta sierra perteneixen a lo macizo de Calatayú y Mont Albán.[1]
Sierra de Cucalón
editarLa sierra de Cucalón tien una dirección principal N-S, se distribuye principalment por lo termin munipal de Cucalón, y plega dica lo cabo norte de lo termin de Beya, a on que la vaguada d'un barranco que baixa dende El Portichuelo d'Orich la desparte de la sierra homonima de dirección NW-SE.
Sierra d'Orich - muela d'Anadón
editarLa Sierra d'Orich encomienza a l'ueste en El Portichuelo d'Orich y, dirección NW-SE enlaza con la muela d'Anadón.
La vertient sudoccidental de la sierra d'Orich ye caracterizada por unas garras de calsinera cretacia y recibe la denominación de Las Rochas. Esta vertient desaugua enta lo cabalto de las vals de La Uerba y Aguas, que forman un sulco erosivo paralelo a la sierra.
La muela d'Anadón encomienza en lo cabo sudeste de la sierra d'Orich como un ixamplamiento subtriangular de los mesmos materials cretacios de lo cabalto. En la vertient oriental bi ha una falla transversal de rumbo NNW que influye en la disposición de los afloramientos de Paleozoico a l'este de la sierra.[2] Un anglo de la muela ye en relación con un codo de captura de lo río Aguas, que chira enta lo nord-este en lo cabaixo.
Sierra de Pelarda - sierra de Segura
editarA lo sud de lo sulco erosivo Uerba-Aguas bi ha uns materials terrichenos cenozoicos de morfolochía serrana que perteneixen a la depresión de Calatayú y Mont Albán.
Referencias
editar- ↑ (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 523-524.
- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 96-100.
Bibliografía
editar- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.