Pan paniscus
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Pan paniscus | |
---|---|
Un bonobo (Pan paniscus). | |
Denominacions populars | |
bonobo, chimpanzé pigmeu
| |
Estau de conservación | |
Clasificación cientifica | |
Animalia | |
Filo:
|
Chordata |
Mammalia | |
Primates | |
Hominidae | |
Pan | |
P. paniscus | |
Descripción | |
Distribución cheografica | |
Distribución d'o bonobo. |
O bonobo u chimpanzé pigmeu (Pan paniscus (Schwarz, 1929)[1]) ye un mamifero d'a orden d'os Primates y familia Hominidae que se distingue per patas relativament largas, morros rosaus, rostro fosco, floco de coda dica a suya edat adulta y cabello luengo con raya en o tozuelo. Lo bonobo se troba en un aria de 500.000 km2 d'a cuenca d'o Congo en a Republica Democratica d'o Congo, en Africa Central. A especie ye fruchivora y habita selvas primarias y secundarias, incluyidas selvas paulencas inundadas estacionalment. A resultas d'a inestabilidat politica en a rechión y a tutonería d'os bonobos, s'ha realizau relativament poco treballo de campo en a observación d'a especie en o suyo habitat natural.
De conchunta con o chimpanzé común, o bonobo ye lo que existe mas amanau a los humans. Como as dos especies no son nadadors competents, a formación d'o río Congo fa 1,5–2 millons d'anyadas posiblement condució a la especiación d'o bonobo. Os bonobos viven a lo sud d'o río y, per lo tanto, se deseparoron d'os antipasaus d'o chimpanzé común, que vive a lo norte d'o río. No i hai datos concretos sobre as cifras de población, pero a estimación ye d'entre 29.500 y 50.000 individuos. A especie figura como "En periglo d'extinción" en a Lista Roya d'a IUCN y ye menazada per a destrucción d'o suyo habitat y lo creiximiento y o movimiento d'a población humana, encara que a caza furtiva comercial ye a menaza mas important. Os bonobos gosan vivir 40 anyadas d'edat en cativerio; se desconoixe a suya esperanza de vida en a naturaleza, pero ye cuasi seguranza que sía muito mas curta.[2]
Referencias
editar- ↑ (en) Groves CP (2005). Wilson DE, Reeder DM (eds.). Mammal Species of the World: A Taxonomic and Geographic Reference. Baltimore: Johns Hopkins University Press. p. 183. ISBN 0-801-88221-4.
- ↑ (en) Rowe N (1996). Pictural Guide to the Living Primates. West Hampton: Pogonias Press. ISBN 0-9648825-1-5.
Vinclos externos
editar- Se veigan as imáchens de Commons sobre Pan paniscus.