Las Cuevas de Canyart
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Las Cuevas de Canyart (Cuevas de Cañart en castellano) ye un lugar de la provincia de Teruel, definiu como una entidat local menor[1] situada en lo termin municipal de Castellot.[2] La suya población ye de 76 habitants (2018).
Las Cuevas de Canyart | |||
Entidat local menor d'Aragón | |||
| |||
Entidat • País • Provincia • Comarca • Municipio |
Entidat local menor![]() ![]() Mayestrato Castellot | ||
Partiu chudicial | Alcanyiz | ||
Población • Total |
76 hab. (2018) | ||
Altaria • Meyana |
816 m. | ||
Codigo postal | 44562 | ||
Parroquial • Diocesi • Arcipestrau • Parroquia |
Teruel y Albarracín Alcorisa Sant Pero apóstol | ||
Coordenadas | |||
Toponimia
editarSeguntes Agustín Ubieto Arteta se deciba Las Cuevas dende 1495 dica 1609, y Las Cuevas de Cañart dende 1646, manimenos en textos mas antigos, que fan referencia a los templers y hespitalers se vei Las Cuevas tamién. Lo nombre Las Cuevas de Canyart s'ha puesto veyer en textos mes antigos que 1646, por eixemplo en un texto notarial escrito en Las Cuevas de Canyart en 1500 encara en aragonés:
En lo censo de 1713 apareix como Cuevas de Cañarte, como una prebatina de castellanización dende l'oficial, con vocal de refirme. Lo nombre Canyart pareix un apelliu occitán.
Bi ha bel microtoponimo con component en aragonés como la ermita de la Virgen de los Pueyos.
Luengas y parlas
editarActualment en Las Cuevas de Canyart, como en toda la comarca de lo Mayestrato se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las Bailías de la muga sudoriental de lo Reino d'Aragón. Se conoixe una serie de textos notarials de lo sieglo XV relacionaus con Las Cuevas de Canyart.[3] En la scripta aragonesa d'estos textos se puede documentar bel toponimo en aragonés local ya desapareixiu.
Bi ha un estudio monografico de l'aragonés residual de Cuevas de Canyart feito por Manuel Alvar en 1950,[4] uno de los pocos feitos sobre este tema en ixas envueltas.
- Bi ha casos de conservación de F- inicial: forigar, falz
- Evolución y conservación de GE-, GI- latinas en ch: chema.
- Conservación de oclusiva sonora intervocalica: rosigar, cado, coda
- Evolución de -SK latina enta -x-, y dimpués por castellanización enta j velar: jada, rujiadora
- C'L > ll: dalla
- Disimilación de -RR-: mardano, galabardera
- Bel imperfecto en -iba-: traiban, deciban, reíban.
- Adverbios espacials curiosos: cabo alto.
- Pronombres personals como a tu, pa tu en cuenta de a tí, para tí en castellano.
- Atras palabras de lo lexico aragonés destacable son: anclusa, sargantana, masclo, debantarse, escaicimiento, laminar, chiflar, zuro, zapo, ansa, aladro, royo, remoldar.
Fiestas
editar- 3 de febrero.
- Primer domingo de Agosto.
Referencias
editar- ↑ (es) Listau de entidaz locals menors d'Aragón
- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.164
- ↑ (es) Miguel Ángel Pallarés Jiménez: Las Cuevas de Cañart a finales de la Edad Media según la documentación notarial de Bernardo Fulla (1443-1509). Asociación cultural "El Morrón".
- ↑ (es) Manuel Alvar: Materiales para una Dialectología Bajo-aragonesa: I: A propósito de la Noticia delhabla de Aguaviva de Aragón, II: El habla de Cuevas de Cañart. Archivo de Filología Aragonesa, 1959, nº 3, pp. 181-224.
Bibliografía
editar- (es) Miguel Ángel Pallarés Jiménez: Las Cuevas de Cañart a finales de la Edad Media según la documentación notarial de Bernardo Fulla (1443-1509). Asociación cultural "El Morrón".
Vinclos externos
editar
Lugars d'o municipio de Castellot | |
---|---|
Poblaus: Abenfigo | Los Alagons | l'Alchecira | Castellot | Crespol | Dos Torres de Mercader | Las Cuevas de Canyart | Ladrunyán | Luco de Bordón | Las Planas de Castellot Despoblaus: Santoleya | Torremocha |