La Iglesuela
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo ye sobre lo municipio teruelano. Pa lo municipio de la provincia de Toledo se veiga La Iglesuela (Toledo)
La Iglesuela (L'Anglesola en catalán; La Iglesuela del Cid oficialment en castellano) ye un municipio aragonés de la provincia de Teruel, situau en la comarca de lo Mayestrato.
| La Iglesuela La Iglesuela del Cid | |
| Municipio d'Aragón | |
 La Iglesuela d'el Cit. | |
| Entidat • País • Provincia • Comarca |
Municipio Aragón.svg){kind=small} TeruelMayestrato |
| Partiu chudicial | Alcanyiz |
| Superficie | 40,29 km² |
| Población • Total |
382 hab. (2013) |
| Altaria • Meyana |
1.227 m. |
| Distancia • 113 km |
enta Teruel |
| Alcalde | Fernando Safont Alcon |
| Codigo postal | 44142 |
| Parroquial • Diocesi • Arcipestrau • Parroquia |
Teruel y Albarracín Alcorisa Purificación de Ntra. Sra. |
| Coordenadas | |
| Web oficial | |
La suya población ye de 505 habitants (2010), en una superficie de 40,29 km², con una densidat de población de 12,53 hab/km².
Cheografía
editarLa Iglesuela a 1.127 metros d'altaria dencima de lo livel d'a mar a piet de la loma d'el Pinar, sarrau de la sierra de las Defesas, muito cerca de la muga provincial y mas cerca de Castellón de la Plana que de la capital teruelana, de la que ye a una distancia de 113 km. Dende La Iglesuela se plega ta la muga de la provincia por dos carreteras, la una que va ta Lo Portiel puyando por lo puerto de las Cabriellas, y l'atra que baixa ta lo Río de las Truitas en dirección Villafranca.
La vechetación natural son pinars, carrascals y caixicars, pero bi ha abundant presencia d'especies caducifolias, (en selvas mixtas submediterranias, acerals, etc..) en especial en lo parache de La Tosquilla, a on podió estar lo despoblau medieval d'Atorella.
Mugas
editarLo suyo termin municipal muga con Mosqueruela, Cantaviella y Villafranca.
| Cantaviella | ||
| Cantaviella | 
|
Lo Portiel |
| Mosqueruela | Villafranca |
Historia
editarBi ha un chacimiento ibero-romano en una muela a 4 km a l'este de lo lugar, se creye que corresponde con l'Ateba d'os ibers edetans. Huei n'esta muela bi ha una ermita dita Nuestra Señora del Cid, que aproveita piedras de una antiga villa romana, belunas con inscripcions y rosetas, y que representa lo puesto mas rico en inscripcions romanas y iberas de tota la provincia de Teruel; en una inscripción puede leyer-se M.C. SERANUS y puede estar clau pa interpretar lo toponimo baixoaragonés Castelserás.
En ixa muela pareixe que i yera lo principal nuclio d'asentamiento en lo periodo musulmán. Bi heba un castiello ya escachau en lo sieglo XVIII, que s'ha relacionau con lo Cit. Dimpués l'asentamiento principal cambió ta l'atro costau de lo barranco, a on que huei trobamos La Iglesuela.
La Iglesuela perteneixió a los caballers de la Orden de lo Temple, y yera administrada dende a Bailía de Cantaviella. Los templers atorgoron carta de población a La Iglesuela en 1241; lo texto de la carta de población ye en latín con muitos elementos en aragonés, por eixemplo referindo-se a las mugas de lo termin:
Los templers de La Iglesuela resistioron a Chuan II d'Aragón en la mesma fortaleza que i heba (la Torre de los Nublos en ye un repui). Cuan esta orden se disolvió, la bailía de Cantaviella, que incluiba La Iglesuela pasó a los Hespitalers.
En los sieglos XVI-XVII i habió esplendor economico, la lana d'ovella s'exportaba ta Italia. D'ista epoca ye buena part de lo patrimonio arquitectonico.
Toponimia
editarBi ha en atras parz de la Peninsula Iberica toponimos pareixius y puet estar que lo pareixiu con Ilesia u Iglesia siga por analochía. Existe la interpretación que tiengan que veyer con una radiz que en castellano ha dau guijo, guija, guijarro ("cantal", "ruello de glera", "piedra") y de feito bi ha muitas losas y piedras de construcción d'epoca romana a on que ye lo chacimiento arqueolochico. En castellano la evolución d'esta radiz ha estau:
(PETRA) AQUILEA > AGUILLA > guija.
En la carta de población de 1241, escrita en latín, saliba latinizau como Ecclesie del Cit u Ecclesia del Cit.
En lo Fuero de Valencia en dicen La Gleziola:
En aragonés lo toponimo ha teniu muitas variants: Clesihuela, Egosuilla, Alglisuela, Layguysuela y Delaigleisuela, ecetra. La variedat de formas s'explica por estar la palabra iglesia un semicultismo que ha preso diferents formas en aragonés, por haber-ie diferents metatesis, y por haber habiu una protesi velar acompanyando a lo diftongo de lo diminutivo -uela igual como en pariuelas y umbriuela.
Seguntes Agustín Ubieto Arteta plegó ta lo nombre definitivo en 1464: La Iglesuela, que s'emplegó oficialment por lo menos dica 1797. Dimpués en 1834 prenió l'apelativo «del Cid», dedicau a don Rodrigo, qui suposadament mandó fortificar lo lugar y devantar lo castiello.
En toponimia Torre de los Nublos, denominación de l'antiga torre de l'homenache de lo castiello templer, ye un microtoponimo curioso, a on se cruzan las palabras noble y nuble. Huei en principio nuble con lo significau de boira no se troba en La Iglesuela y la suya redolada, pero sí como adchectivo de que ye nublo.
Luengas y parlas
editarEn La Iglesuela se parla castellano. Como en Cuevas de Canyart, i trobamos muitos aragonesismos pero tamién bel catalanismo porque ye cerca de la muga con lo Norte de Castellón, a on se charra un catalán nordoccidental de transición enta lo valenciano.
Existe una replega lexica feita por Carlos Julián Rochela publicada por Mira Editores en 1998 .[1]
Palabras curiosas d'Iglesuela son: aspro, chamarata (flamarada), a jambre, codigo_postalolla, clasca, cinglo, clot, cocot, contalla, embadallar, ensundias, esculloso, falcija, fargallada, ferramenta, fetillero, figa, jugo, lamín, lera, mantonar (mantornar), paparullas, perdigán, rebullir, sunsida, tartir, tierco, tresena.
Se conserva la forma de pasau imperfecto d'indicativo traiba.[2]
Molimentos
editarBi ha gran riqueza monumental. Dende luent lo primero que se vei son las dos torres: Torre de los Nublos u del Exconjurador y lo campanar.
- La Torre de los Nublos ye la sola part que queda de lo castiello templer de lo sieglo III u primers de lo sieglo XIV, en concreto ye la torre de l'homenache. Lo resto de lo castiello templer se perdió cuan s'edificó en lo mesmo vago atros edificios como la Casa de la Villa.
- La Casa de la Villa ocupa lo que estió corredor pa plegar a la Torre de l'homenache.
- La Ilesia parroquial ye de 1577.
- Bi ha edificios singulars en lo casco viello que s'explican porque muitas familias nobles esleyoron La Iglesuela como lugar de residencia. Son las casas de los Aliaga, Daudén, Matután, Santapau.
- Ermita de La Virgen del Cid, aproveitando materials d'un chacimiento ibero-romano.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración
editarReparto de concellers
editar| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | - | 2 | - | 1 | 1 | 5 | 3 | 2 | 3 |
| Partido Popular | - | 4 | 5 | 5 | 5 | 2 | 4 | 3 | 3 |
| Partido Aragonés | - | 1 | 2 | 1 | 1 | - | - | 2 | 1 |
| Independients | 7 | - | - | - | - | - | - | - | - |
| Total | 7 | 7 | 7 | 7 | 7 | 7 | 7 | 7 | 7 |
Alcaldes
editar| Lechislatura | Nombre | Partiu politico |
|---|---|---|
| 1979–1983 | Fernando Puig Izquierdo[4] | Independient |
| 1983–1987 | ||
| 1987–1991 | ||
| 1991–1995 | ||
| 1995–1999 | ||
| 1999–2003 | ||
| 2003–2007 | ||
| 2007–2011 | ||
| 2011–2015 | Fernando Safont Alcón | Partido de los Socialistas de Aragón |
| 2015–2019 | ||
| 2019–2023 | ||
| 2023–2027 | Fernando Safont Alcon [5] | PSOE |
Curiosidaz
editarLa Iglesuela representa un caso de pervivencia de lo tipo de religada dita roseta: la trobamos entre las piedras romanas aproveitadas pa fer la famosa ermita y tamién en la Casa Daudén, de lo sieglo XVI.
Fiestas
editar- 27 de mayo, Cit de mayo.
- 30 de chulio, Sant Abdón y Sant Senén.
Referencias
editar- ↑ (es) Julián Rochela, Carlos: El Habla de La Iglesuela del Cid. Mira Editores, 1998.
- ↑ (es) José María Enguita Utrilla: Rasgos dialectales aragoneses en las hablas de Teruel. Revista Teruel, n 74, chulio-aviento de 1985 p 197
- ↑ (es) Archivo Electoral d'Aragón
- ↑ (es) Treinta aniversario de las primeras elecciones municipales de la democracia. Ministerio de Hacienda y Administraciones Públicas
- ↑ (es) Consulta el listado de alcaldes que han sido proclamados en Aragón en Heraldo de Aragón.
| Municipios de la comarca Mayestrato | |
|---|---|
| Allepuz | Bordón | Canyada de Benatanduz | Cantaviella | Castellot | La Cuba | Fortanet | La Iglesuela | Mirambel | Miravet de la Sierra | Molins | Pitarc | Tronchón | Villar Luengo | Villarroya de los Pinars |
Datos: Q1651517
Multimedia: La Iglesuela del Cid / Q1651517
