Fizón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se diz fizón (d'o latín < *FICTIARE) a l'organo u parte de lo cuerpo esmolata present en bels animals y plantas que por un regular espulsa bel tipo de vereno (por un regular dimpués d'estar clavato en la pilleta d'atro animal) u da una descarga electrica. Un fizón verenoso ye diferent d'atros organos punchants en que se clava el mesmo, a diferencia de las dients que se clavan por la fuerza d'as mandibulas, u de las punchas que se clavan por acción de la victima.

Fizón d'una viespa, con una gota de vereno

Zoolochía

Lo principal tipo de fizón ye un organo esmolato d'ataque u esfensa, en especial cuan ye conectado con una glandula de vereno, y adaptado pa fer feridas punchando, como por eixemplo lo fizón caudal d'un arraclau. Entre los mamifers, o solo que tien un fizón verenoso ye l'ornitorrinco masclo.

Lo fizón gosa estar en la parte de dezaga de l'animal, a man de la coda (si en tien). Entre los animals con fizón destacan las abellas y viespas. Lo fizón de l'arraclau no ye homologo con lo de los insectos, ye producto de la converchencia evolutica.

Entre las abellas meleras (y nomás que entre ellas) lo fizón, un ovipositor modificato como en atros himenopteros picadors, tián forma d'anzuelo, metendo-se en la carne de la victima dimpués de soltar-se de lo cuerpo de l'abella, lo que fa que muera por peritonitis en pocos minutos. Lo fizón tien lo suyo propio ganglio (esencialment un cerebro en miniatura) que li permite afondar en la carne de la victima y liberar vereno por bels minutos. La cuestión de cómo tal rasgo ha puesto evolucionar, cuan ye un una desventalla clara para l'individuo, queda resuelta cuan se vei que los mamifers predators pueden desfer facilment una colonia completa si no lis se fa fuyir. Si la colonia ye desfeita, las obreras, que son esterils, morirán sienes de descendencia, asinas que nomás que con la esfensa de la colonia puede conseguir que los suyos chens se trasmetan. Las puntas de los fizons aseguran que un ataque d'una abella nomás ye suicida si la victima ye un mamifer, podendo fizar a atras abellas meleras (en batallas intercolonials) de contino. Asinas, baixo condicions naturals la traza suicida de lo fizón de l'abella nomás entra en chuego si l'atacant puet desfer tota la colonia. Lo fizón de totas las atras abellas y viespas no tien ixa punta, por lo que puet emplegar-se pa fizar a mamifers de contino, (u, mes precisament, fizar a mamifers y continar picando atros días)

Lo fizón u espina caudal d'una raya ye una aleta dorsal modificata.

Pa criaturas como las medusas, lo fizón puet fer referencia a los tentaclos que leban los cnidocitos pa agafar a las presas, y mientres que tiengan un paralís y no se puedan esfender.

Por extensión, lo términ s'aplica a vegatas áa lo catirón (una dient modificato) de las serpients. Una especie de serpient común en Sudafrica sobremanera, Psammophylax rhombeatus, ye conoixita en anglés como skaapsteker u "fizón d'ovellas".

Botanica

En botanica se clama fizón a lo pelo vueito y esmolato que i ha sobre una glandula que secreta liquido caustico, como los de las xordicas. Las puntas d'estos pelos gosan crebar-se en la ferida, metendo-ie lo liquido irritant.

Referencias

• Datos: Q657076
• Multimedia: Stingers / Q657076