Exelsa

	Exelsa
	Municipio d'Aragón
	; Una carrera d'Exelsa.
Entidat; • País; • Provincia; • Comarca	Municipio; Aragón; Zaragoza; Ribera Baixa de l'Ebro
Partiu chudicial	Zaragoza
Superficie	72,04 km²
Población; • Total	; 996 hab. (2013)
Altaria; • Meyana	; 147 m.
Distancia; • 42 km	; enta Zaragoza
Alcalde	José Miguel Almorín Roche
Codigo postal	50786
Patrons	Sant Per de Verona
Parroquial; • Archidiocesi; • Arcipestrau; • Parroquia	; Zaragoza; Quinto; Sant Pero Apóstol
Ríos	Ebro
Coordenadas	41°24’25’’N 0°27’36’’U
	Exelsa Exelsa en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Exelsa u Xelsa (Gelsa en castellano y oficialment) ye un municipio aragonés de la provincia de Zaragoza, situato en la Ribera Baixa de l'Ebro. Fa parte de lo partiu chudicial de Zaragoza.

La suya población ye de 1.174 habitants (2011), en una superficie de 72,04 km², con una densidat de población de 16,30 hab/km².

Cheografía

Ye situato chunto a lo río Ebro, en la marguin ezquierda u norte, a 147 metros d'altaria sobre lo ran de la mar y a una distancia de 42 km de la ciudat de Zaragoza, la capital de la suya provincia y d'Aragón.

Mugas

Lo suyo termin municipal muga a lo norte con Pina d'Ebro; a l'este con Sastago; a lo sud con Viliella d'Ebro; y a l'ueste con Quinto.

	Pina d'Ebro
Quinto		Sastago
	Viliella d'Ebro

Historia

Lo feito que trobemos apedecamientos romanos y una losa dedicata a la diosa Obana mos fa pensar que a ciudat romana de Lepida Celsa plegase ta l'actual Xelsa y no nomás estase que en lo términ de Viliella d'Ebro a on trobamos lo principal chacimiento.

Lo 17 de chinero de 1301, lo rei Chaime II y los calatravos de la Comanda d'Alcanyiz se cambian Exelsa y lo castiello de Bexix, que pasa a lo rei:

Vel cui voluerit loco sui, possessionem et quasi possesionem castri et villa de Exelsa....dedit et permutavit com omnibus terminis et pertenenciis suis pro predicto castro et villa de Excelsa.

Toponimia

Lo toponimo Exelsa puede tener relación con la colonia romana Lepida Celsa. Pareixe una evolución de Celsa con Ex debant como en Ex Sarmentu > Xarmiento. En un texto medieval de los sieglos XII-XIII sale como Exelsa y Excelsa. En un documento de l'Archivo de la Corona d'Aragón de 1431 en aragonés, confirmato por atro de 1432 en latín, s'escribe Xielsa chunto con atras posesions de los Luna que lo rei Pero IV cede en 1383 a Ferrer de Lanuza.

En la Cronica de los Chudeces de Teruel s'escribe Exielsa en un feito relativo a 1348:

fendo estas execuziones don Pero Cornel qui era de la hunion, fuese con partida de los de Çaragoza a Exielsa crebó las ayoras talló la huerta, de Villena, qui era del dito don Lope; los que eran dentro Exielsa mataron; fueron grandes gentes de los de Caragoza que en barcas los puyaron Ebro asuso.

Tamién s'escribe Xielsa en lo Fogache de 1495.

En lo sieglo XVII s'escribe Xelsa.

En toponimia menor destaca lo pilón de las Lebatas y lo Varello Cochín, con la perda de la -o final u apocopa, que yera mas común en l'aragonés d'antesmás.

Demografía

Evolución demografica

1362 f	1495 f	1842	1857	1860	1877	1887	1897	1900
-	-	-	-	-	-	-	-	2.070

1910	1920	1930	1940	1950	1960	1970	1981	1991
-	-	-	-	1.777	-	-	-	-

1992	1994	1996	1997	1998	1999	2000	2001	2002
-	-	-	-	1.238	1.261	1.253	1.239	1.236

2003	2004	2005	2006	2007	2008	2009	2010	2011
1.210	1.216	1.221	1.205	1.198	1.207	1.226	1.201	1.174

2012	2013	2014	2015	2016	2017	2018	2019	2020
1.173	1.135	1.122	1.087	1.098	1.055	995	1.013	996

2021	2022	2023	2024	2025	2026	2027	2028	-
997	1.007	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular							4	4	5
Partido de los Socialistas de Aragón							5	5	4
Total							9	9	9

Alcaldes

Lista d'alcaldes
Lechislatura	Nombre	Partiu politico
1979–1983	Luis Pablo Borraz Falcón	Independient
1983–1987	Manuel Gil Falcón	PSOE
1987–1991	José Roche Falcón	PAR
1991–1995	José Borraz Blasco	PSOE
1995–1999	Manuel Agenjo Perea	Partido Popular
1999–2003	Mariano Catalán Salinas	Partido Popular
2003–2007	Francisca de la Torre Giménez	PSOE
2007–2011	Francisca de la Torre Giménez	PSOE
2011–2015	José Miguel Almorín Roche	Partido Popular
2015–2019	Francisca de la Torre Giménez ^[1]	PSOE
2019–2023
2023–2027	Maria Isabel Alvarez Seron ^[2]	TRABAJANDO POR GELSA

Molimentos

Ilesia parroquial de Sant Per Apóstol. Se i conserva o retablo mayor d'o monesterio d'a Purisma Concepción.^[3]
Ermita de la Virchen d'el Buen Succeso.
Monasterio de la Purisma Concepción y de la Santa Espina, feito con piedras de l'antiga Lepida Celsa.^[3]