Chipón
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O chipón[1][2][3] u chupón ye una prenda de vestir desusada, difuera de bels vestius tipicos, que s'emplegó muito entre os sieglos XV, XVI y XVII. En bels puestos de l'Alto Aragón, se continó fendo servir versions una miqueta mas modernas y pa muller dica o sieglo XIX y primerías d'o sieglo XX, y por ixo se troba incluito en o vestiu tipico femenino de cualques vals.
![](http://upload.wikimedia.org/wikipedia/commons/thumb/a/a9/Sveptr%C3%B6ja_-_Livrustkammaren_-_51550.tif/lossy-page1-250px-Sveptr%C3%B6ja_-_Livrustkammaren_-_51550.tif.jpg)
Descripción
editarYe una prenda zarrada dende o cuello dica la cintura y ligada por debant, con botons u pasadors, que pueden estar numerosos y chicoz. As mangas son tipicament mas amplas en o codo que en as punyetas y os huembros, o cual fa os brazos pareixer curvos.
Puede tener cuello u no tener-ne. En os chipons d'hombre d'o Renaiximiento, o cuello se zarraba sobre una engoladura. A camisa que se lievaba debaixo soleba tener engolaus. Bels chipons han manteniu o caracteristico cuello estreito d'ixas envueltas, pero tamién i ha versions que han mudau ta fer-lo mas ubierto u mesmo adoptón o escote, especialment entre os femenins.
Os chipons pueden tener o cabo d'abaixo mas ubierto y suelto que a resta, a cual cosa se conoix como «faldetas». Isto fa aparentar una curronera mas ampla.
Imáchens
editar-
Chipón de mangas acuchilladas d'a decada de 1620.
-
Chipón de dama con cuello ubierto, ta vestir con gorguera.
-
O chipón, lievau debaixo d'un mantón u bella mantilla (sobre os huembros), feba parte d'es vestuaches que lievaban as mullers d'os Pireneus dica o sieglo XIX.
Referencias
editar- ↑ (es) Manuel Alvar: El habla del Campo de Jaca. Universidad de Salamanca, 1948, p 50.
- ↑ (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.201
- ↑ (an) Fernando Romanos Hernando Triballo sobre o libro: Oras sueltas (Pablo Recio), Consello d'a Fabla Aragonesa, 1998