Canal d'a Manga
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
.svg){kind=small}
A canal d'a Manga (en anglés English Channel; en francés La Manche) fa parte de l'oceano Atlantico y o comunica con a mar d'o Norte. Situata a l'ueste d'Europa, desepara o nord-este de Francia d'a isla de Gran Bretanya.
O suyo punto mas estreito ye en o paso de Calais (tamién dito estreito de Dover), a on nomás 34 kilometros de distancia deseparan Dover d'o cabo francés Gris-Nez.
A o sudueste d'a canal, amán d'a costa francesa de Normandía, bi ha unas islas ditas islas Anglonormandas, perteneixients a o Reino Uniu. A isla francesa d'Ouessant, debant d'a costa bretona, marca o cabo occidental d'a canal. En a zona sud d'a canal i destaca a peninsula de Cotentin.
O nombre aragonés d'a canal proviene d'o francés, en que la Manche quiere dicir "a manga". Iste mesmo significato ye o que s'ha conservato en l'alemán (Der Ärmelkanal), en portugués (Canal da Mancha), en italiano (la Manica), en catalán (la Mànega) u mesmo en esperanto (Manika Markolo), a diferencia de l'anglés, que le diz "canal anglés" (English Channel) u o neerlandés, que diz simplament "a canal" (Het Kanaal); o castellano, curiosament, adapta a forma francesa nomás foneticament pero sin de conservar-ne o significato orichinal, ya que Canal de la Mancha no fa referencia a denguna manga.
Datos: Q34640
Multimedia: English Channel / Q34640
