Santa Olalia

Santa Olalia (Santa Eulalia del Campo en castellán) ye un municipio aragonés d'a provincia de Teruel, situato en a comarca d'a Comunidat de Teruel.

A suya población yera de 1.171 habitants (2005), en una superficie de 81 km² y una densidat de población de 14,47 ab./km²

Cheografía

Ye situato en a fosa d'o río Xiloca, que fa parte d'a depresión de Calatayú-Teruel. Ye a mán d'o Xiloca, en a marguin dreita, y a l'ueste d'a Sierra Palomera.

Mugas

O suyo termin muga con Alba, con Torremocha de Xiloca, con Camanyas, con un cantón d'o termin de Celadas, con Villar Cremato, con Cella, con Albarrazín, y con Pozondón.

Historia

Perteneixió a la Senyoría d'Albarrazín dica 1292 quan pasó a la Comunidat de Teruel por compra.

Toponimia

En o fogache de 1495 fegura como Santa Olalia, y tamién s'escribe asinas en textos més antigos como os Fueros d'Aragón, o Fuero de Teruel y as Cronicas d'os Chudeces de Teruel. O suyo nombre estió Santa Olalla entre 1495 y 1646. Ye Santa Eulalia dende 1713. Encara bi ha chent viella que diz Santa Olalia.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Popular									3
Izquierda Unida									1
Partido Aragonés									1
Total									9

Presonaches

Ye naixito d'este lugar, en 1178, Isidoro de Antillón, cheografo, historiador y churiscolsulto.