Heinrich I. vu Bade-Hachberg

Dialäkt: Undermarkgreflerisch

Dr Markgrof Heinrich I. vu Bade, speter Markgrof vu Bade-Hachberg, († 2. Juli 1231) isch zämme mit syym Brueder Hermann V. vu Bade regierede Markgrof vu Verona un Bade gsi.

Dr Markgrof Heinrich I. isch e Suhn gsi vum Hermann IV. vu Bade un dr Bertha vu Dibenge.

Am Aafang hän dr Heinrich un syy Brueder Hermann V. d Markgrofschaft Bade zämme regiert, speter hän si si aber ufdeilt. Dr Heinrich het sich ab do „Markgrof vu Bade-Hachberg“ bzw. „Markgrof vu Hachberg un Suseburg“ gnännt. S git nume wenig Quälle zue syym Läbe un syym bolitische Wirke, s erscht Mol wird er in ere Urkund us em Johr 1127 gnännt.

Heinrich het d Agnes vu Urach ghyrote, e Dochter vum Grof Egino IV vu Urach. Ab 1231 isch si d Regänti fir ihri Sihn gsi. Us ihre Eh sin die Chinder fiirigange:

• Heinrich, († 1297/1298), speter regierede Markgrof
• Werner; Domherr z Stroßburi
• Hermann

Literatur

• Detlev Schwennicke: Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1
• Peter Thorau: Jahrbücher des Deutschen Reichs unter König Heinrich (VII.) Teil I, Duncker & Humblot Berlin 1998, S. 162, 164, 169 – Eduard Winkelmann: Kaiser Friedrich II. 1. Band, Wissenschaftliche Buchgesellschaft Darmstadt 1963, S. 397, 497, 514 –

Vorgänger Hermann IV.

Markgrof vu Bade-Hachberg 1190–1231

Nochfolger Heinrich II.