Didier Queloz

dr Didier Queloz, 2012

Dr Didier Patrick Queloz (* 23. Februar 1966) isch en Schwyzer Aschtronom. Zäme mit em Michel Mayor het er 1995 dr eerscht extrasolar Planet entdeckt, wu um en sunnenähnlige Stäärn chraist (51 Pegasi b), doderfir hän si beedi 2019 dr Nobelbryys fir Physik iberchuu.

Lääbe

Dr Didier Queloz het an dr Universiteet Gämf Physik studiert un anne 1990 mit eme Master abgschlosse. Anne 1995 het er dert bim Michel Mayor in Aschtronomy promoviert. Är isch syter 2013 Profässer fir Physik am Cavendish-Laboratorium vu dr Universiteet Cambridge un an dr Universiteet Gämf.

D Entdeckig vum extrasolaren Planet, zäme mit em Michel Mayor, chunnt vu Mässige vu dr Radialgschwindigkait noch em Dopplereffäkt, er eerscht gfunden Planet het e Umlaufgeschwindigkait vu 4,2 Dääg. Am 23. Juli 2015 het dr Queloz bi dr NASA di eerscht Entdeckig vun eme äärdähnlige Planet, Kepler-452b, bekannt gee. Dää isch au „zwooti Äärd“ oder „eltere Kusäng vu dr Äärd“ gnännt woore.

Anne 1995 sich dr Queloz bi dr Entdeckig vum eerschte extrasolare Planet in eme Orbit um en sunnenähnlige Stäärn derby gsii – 51 Pegasi b.

Syter 2013 het Thomson Reuters dr Queloz wäg drt Zahl vu syne Zitatione zue dr Favorite uf en Nobelbryys zellt (Thomson Reuters Citation Laureates), är het dr Nobelbryys fir Physik schließli anne 2019 iberchuu.

Uuszaichnige un Eerige

• 1996 Balzers-Bryys vu dr Schwyzerische Physikalische Gsellschaft
• 1996 IAU Ehremedaille
• 2009 En Aschteroid isch noch em gnännt woore: (177415) Queloz
• 2011 BBVA Foundation Frontiers of Knowledge Award
• 2017 Wolf Prize in Physik
• 2019 Nobelbryys fir Physik

Weblink

 Commons: Didier Queloz – Sammlig vo Multimediadateie

• Websyte vum Didier Queloz

Fueßnote

Dä Artikel basiert uff ere fräie Übersetzig vu dere Version vum Artikel „Didier_Queloz“ vu de dütsche Wikipedia. E Liste vu de Autore un Versione isch do z finde.