Siders

Siders
	Wappe vo Siders
Basisdate
Staat:	Schwiiz
Kanton:	Wallis (VS)
Bezirk:	Siders
BFS-Nr.:	6248
Poschtleitzahl:	3960
UN/LOCODE:	CH SRR
Koordinate:	607348 / 126736Koordinate: 46° 17′ 31″ N, 7° 32′ 2″ O; CH1903: 607348 / 126736
Höchi:	533 m ü. M.
Flächi:	19,2 km²
Iiwohner:	17'295 (31. Dezämber 2022)
Website:	www.sierre.ch
	Siders vo Weschte gseh Siders vo Weschte gseh
Charte
	Charte vo Siders

E aglüegti Version vo derre Site, wo am 7. April 2017 freige worre isch, basiert uff derre Version.

Siders (französisch: Sierre) isch e Munizipalgmeind (politeschi Gmeind) und e Stadt im Kanton Wallis i der Schwiiz und der Houptort vom Bezirk Siders.

Geografii

S Gmeindpiet vo Siders liit im Rhonetal, zum gröschte Deil uf der rächte Syte vom Fluss, underhalb vo de Gmeinde Crans-Montana, Venthône und Veyras. S Taal uf isch obedra im Bezirk Leuk, ännet der Raspille, d Gmeind Salgesch. Bi der Raspille isch d Sproochgränze zwüschem französischsproochige Underwallis und em dütschsproochige Oberwallis. Uf der Südsyte vom Fluss ghört en Deil vom Pfynwald zu Siders.

Bi Siders sind d Quartier und Dörfli Liddes, Villa und Muraz.

Gschicht

S eltischte Bouwärch voi Siders isch d Chappele vom Sankt Ginier us früene Middelalter. Uf em Hügel Géronde, wo vom ene uralte Bärgsturz här chunt, stoot es Chloschter. Am Ändi vom Middelalter isch d Chaschtlanei Siders es bedütends Zäntrum vom middlere Wallis gsi.

Ane 1972 isch di früeneri gmeind Granges wyter unde im Roonetal uf Siders ygmeindet worde.

Wirtschaft

Sid em Afang vom 20. Johrhundert hets z Chippis bi Siders e grossi Aluminiumschmelzi, wo zäme mid em ene Chraftwärch z underscht am Eifischtal bout worden isch.