Mischa Wyss

Mischa Wyss(*10. Novämber 1983 z Oute) esch e Bärner Mondart-Chansonnier ond Kabarettescht.

Inhautsverzeichnis

 [Verbärge]

• 1Wärdegang • 2Programm • 3Diskographie • 4Weblinks • 5Einzunachwys

Wärdegang 1983 z Oute gebore, het am Mischa Wyss sini lyrischi Karriere scho früeh met em Verfasse vo Samichlausvärsli aagfange. Im Louf vo de Primarschueu het er die mit wytere chlyne verbale Wärch fortgsetzt. Nach em Omzog es Basubiet, won är d Sekondarschueu ond s Gymnasiom absolviert het, het er glehrt Kybord schpele on het HipHop-Tegscht verfasst, won er zo säuber komponierte Beats performt het.

1999 het är met em Gwenn vom e ne Literaturprys e Meileschtei vo sinere literarische Karriere erreicht. ^[1]

2004 esch är nach Bärn zoge, won är a der Uni es Johr Psychologie schtudiert het. Denn ersch er för es paar Mönet nach Marokko greiset. I der dörtige Kontemplation send die erschte Schanson-Tegscht entschtande, won är nach sinere Röckchehr nach Bärn vertont ond, met em nöi glehrte Gittareschpöu begleitet, vortreit het. Inschpiriert dorch d Chansonnier vo sinere Chendheit het so de Mischa Wyss zo sinere ureigene Usdrocksform gfonde.

Die am Aafang vor auem em Fröndes- ond Familiechreis vortreite Wärch händ grosse Aaklang gfonde, so dass är sech denn e chörzischter Zyt ou met Uftrett be Openmiks (Iischtiger Bönine) en Bärn e beachtete Name gmacht het ond schpöter denn aus Schpeziaugascht vo dene iiglade worde esch.^[2]

Ändi 2009 het ehm s Panorcheschter Bärn d Glägeheit bote vorgrossem Publikom sis Lied Haarigi Romanze zom Beschte z gäh - es esch met grosser Begeischterig ufgnoh worde ond het dezue gfüehrt, dass är erschti Engegements e diverse Lokal en ond om Bärn becho ond baud de Schprong of d Bönine vo de Chlykonscht gschafft het.

2010 esch em Tonschtudio PanMagic sini erschti CD Vohrsiube e de Uflag vo 200 Schtöck brönnt worde, wo scho gly vergreffe gsy esch.

Vo 2010 bes 2014 het är e de Piazza-Bar z Bärn s Format Mundart 2.0 organisiert, won är de Mondartchaonson-Szene monatlech e Plattform bote ond namhafti Köschtler för Gaschtuftrett gonne het.^[3]

2012 het är e de La Cappella z Bärn d Prömiere vo sim erschte Programm Uftakt^[4] gfyret. Be dem Aalass het d Lisa Catena sini nöi CD Wortwärts touft, won ärem Tonstudio Christoph Trummer ufgnoh het. Be dere Prömiere send de Chansonnier Mischa Wyss ond der Schtepptänzer Nicolas Egger s erscht Mou gmeinsam ufträte ond händ demet e nöii Schtiurechtig of d Böni brocht, wo aus Mundartsteppbekannt worde esch. ^[5]

2013 het ehm der Uftrett a de Könschtlerbörse z Thun de Publikomsprys ond öffentlech de Tetu Mani Matter vom 21. Jahrhundert brocht. ^[6]

Parallel zo sim Schaffe aus Bärner Chansonnier, het de Mischa Wyss es Johr a de Pädagogische Hochschueu absolviert ond esch dennn weder a d Uni zroggkehrt, won är es Mathematik- ond es Germanistikschtudiom abgschlosse het. Enzwösche esch er aus Mathematiklehrer tätig ond jährlech be öber föfzg Uftrett of de iischlägige Bönine z gseh.

2014 het är d Prömiere vo sim zwöite Programm Aasatzwys gfyret met dem är denn während zwöi Johr em ganze schwizerdütsch-schprochige Ruum es breits Publikom begeischteret het.

Set em Mai 2016 loht sech de Mischa Wyss sowou aus Solokönschtler (Mundartchanson), aus ou aus Duo met em Nicolas Egger (Mundartstepp) dor e Bärner Kulturschaffendi Bjørn Strømme mänätsche.

Am 13. Oktober 2016 het d Prömiere vo sim drette Progift wederom e der usverchoufte La Cappella grosse Aaklang gfonde.

Programme[Bearbeiten | Quelltext bearbeiten] 2012 Uftakt 2014 Aasatzwys 2016 Schrift für Schrift Diskographie[Bearbeiten | Quelltext bearbeiten] 2010: Vohrsiube (Maxisingle mit drei Chansons) 2012: Wortwärts (Debutalbum mit 18 Chansons) 2017: Schrift für Schrift (Live CD / DVD mit Mundartchanson / Mundartstepp) Weblinks[Bearbeiten | Quelltext bearbeiten] Website von Mischa Wyss Einzelnachweise[Bearbeiten | Quelltext bearbeiten] Hochspringen ↑ http://baslereule.ch/wp-content/uploads/2015/03/m_wyss-die_birke_am_waldrand.pdf Hochspringen ↑ The Bridge. Abgerufen am 3. März 2017 (de-de). Hochspringen ↑ http://piazza-bar.ch/ Hochspringen ↑ http://www.mischawyss.ch/uftakt.html Hochspringen ↑ http://www.mischawyss.ch/mundartstepp.html Hochspringen ↑ http://www.srf.ch/news/regional/bern-freiburg-wallis/wie-der-junge-mani-matter Kategorien: Chansonnier Liedermacher Dialäktsänger Kabarettischt (Schwiz)Schwizer Gebore 1983 Maa