Misox

Misox (Mesocco)
	Wappe vo Misox (Mesocco)
Basisdate
Staat:	Schwiiz
Kanton:	Graubünde (GR)
Region:	Moesa
Kreis:	Misox
BFS-Nr.:	3822
Poschtleitzahl:	6563
Koordinate:	737782 / 139198Koordinate: 46° 23′ 24″ N, 9° 13′ 48″ O; CH1903: 737782 / 139198
Höchi:	769 m ü. M.
Flächi:	164.76 km²
Iiwohner:	1365 (31. Dezämber 2022)
Website:	www.mesocco.ch
	Mesocco Mesocco
Charte
	Charte vo Misox (Mesocco)

E aglüegti Version vo derre Site, wo am 29. März 2024 freige worre isch, basiert uff derre Version.

Misox isch e Gmaind vom Kanton Graubünde.

Geografy

D Gmaind lyt i dr Region Moesa. Dr offiziell Gmeindname isch uf Iteliänisch Mesocco; uf Raetoromanisch heisst d Gmeind Mesauc. S Gmeindwappe zeigt d Zinne vo dr Burg mit em glyche Name.

Misox het e grossi Gmeindflechi im ganze obere Deil vom Misox. Do foot dr Fluss Moësa aa. Uf dr Oschtsyte lauft uf dr Bärgchetti mid em Tambohorn, wo 3279 Meter höch isch, d Landesgränze vo dr Schwiiz zu Itaalie dure. Im Nordoschte het d Gmeind Misox d Alpe Rog und Curciusa im Curciusataal, wo uf Nufene zum Hinderrhy abegoot.

Im Weschte trennt d Bärgchetti mid em Piz Pian Grand und em Piz Trescolmen d Gmeind Misox vo Rossa im Calancataal. Am Ändi vom Calancataal ghört die stotzegi Alp Stabi aber au zum Gmeindbiet vo Misox.

Im Gmeindbann sind d Ortschafte San Bernardino, Fregeira, Spina, Pian San Giacomo, Andergia, Cebbia, Logiano, Mesocco und Doira. Nördlech vo San Bernardino lyt dr Bernardinopass mid dr Strooss Nummere 13, wo is Dorf Hinderrhy vo der Gmaind Rhywald übere und witer uf Chur goot. Übere Bärg goot d Houptstrooss und unde dure isch es Dunäll, s Bernardinodunäll.

Bi Doira im Süde vom Gmeindbann isch im Taal e höchi Felsestuefe, wo druff d Ruiine vo dr grosse Burg Misox mit dr Chilche Santa Maria sind.

Sprooch

Z Misox redt me en Dialäkt vo der alpinlombardische Sprooch. Für d Sproochgschicht sind d Fluernäme inträssanti Kwelle, wie dr Aurelio Ciocco zeigt het.^[2]

d Brugge vo dr Autobaan, wo dr Inscheniör Christian Menn planet het

Gebäu

di katoleschi Pfarrchilche Peter und Paul
d Chilche vom heilige Rochus
d Brugg Cascella und Brugg Nanin vo der Autobaan
d Burg Misox
d Chilche vo der heilige Maria bi dr Burg

Literatur

Cesare Santi: Mesocco (Gemeinde). In: Historisches Lexikon vo dr Schwiiz.

Erwin Poeschel: Die Kunstdenkmäler des Kantons Graubünden, Band VI: Die italienischbündnerischen Talschaften Puschlav, Misox und Calanca. Bärn 1945.

Weblink

Commons: Mesocco – Sammlig vo Multimediadateie

Website vo dr Gmeind Misox

Fuessnoote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
↑ Aurelio Ciocco: Mesòcch e i sò sitt. Due secoli di storia dei nomi di luogo e nelle testimonianze locali. Prosìto 2012.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[2] Aurelio Ciocco: Mesòcch e i sò sitt. Due secoli di storia dei nomi di luogo e nelle testimonianze locali. Prosìto 2012.

[1]

[2]